జగన్‌ అధికారంలోకి వచ్చాక 11 ఆలయాలపై దాడులు

 

జగన్‌ అధికారంలోకి వచ్చాక 11 ఆలయాలపై దాడులు జరిగాయని తెలుగుదేశం పార్టీ అధినేత, మాజీ ముఖ్యమంత్రి చంద్రబాబు ఆరోపించారు. బుధవారం మీడియాతో ఆయన మాట్లాడుతూ ప్రభుత్వంపై ధ్వజమెత్తారు. రాష్ట్రంలో ఇన్ని ఘటనలు జరుగుతున్నా సీఎం జగన్‌ ఏం చేస్తున్నారని ప్రశ్నించారు. టీడీపీ హయాంలో ఇలాంటి ఘటనలు జరిగితే వెంటనే స్పందించా మని చంద్రబాబు చెప్పారు. భక్తుల మనోభావాలు దెబ్బతీసేలా పాలన చేయడం సరికాదన్నారు. ఆలయాలు, చర్చిలు, మసీదుల్లో కొన్ని సంప్రదాయాలు ఉంటాయని, భక్తుల సంప్రదాయాలు, మనోభావా లను ప్రభుత్వం కాపాడాలన్నారు. రాష్ట్రంలో నిత్యం ఏదో ఒక సంఘటన జరుగుతూనే ఉందని చంద్రబాబు వ్యాఖ్యానించారు. ఇవాళ హిందూ ఆలయాలు, రేపు చర్చిలు, మసీదులపై దాడులు చేస్తారన్నారు. ఈ ఘటనలకు బాధ్యత ఎవరు వహిస్తారని ఆయన ప్రశ్నించారు. టీటీడీ ఆస్తుల అమ్మకం, తిరుమల టికెట్లపై అన్యమత ప్రచారం చేశారని, టీటీడీల డైరీల ముద్రణ తగ్గించేశారని చంద్ర బాబు ఆరోపించారు. ఆలయాల ఘటనలపై ప్రభుత్వం నిర్లక్ష్యంగా వ్యవహరిస్తోందని చంద్రబాబు మండిపడ్డారు. తప్పులను కప్పిపుచ్చు కునే ప్రయత్నం చేస్తోందని విమర్శించారు. దుర్గగుడికి కూతవేటు దూరంలో మంత్రి వెల్లంపల్లి ఉన్నారని, ప్రభుత్వం, మంత్రులు లెక్క లేనితనంతో వ్యవహరిస్తున్నారని దుయ్యబట్టారు. దేవాలయ భూములపై హైకోర్టు తీర్పుకు వ్యతిరేకంగా పనిచేస్తోందని, నిజా యితీగా పనిచేసే అధికారులను మార్చేస్తోందని ఆరోపించారు.

 

Leave a Reply

Your email address will not be published. Required fields are marked *