మోడీ, అమిత్‌షా పిలచినా స్పందించని జగన్‌

 

వరదలపై ప్రధాని నరేంద్ర మోదీ, కేంద్ర హోం మంత్రి అమిత్‌ షా పిలిచి మాట్లాడినా.. ముఖ్యమంత్రి జగన్‌ సరిగా స్పందించలేదని రాష్ట్ర  బీజేపీ అధ్యక్షుడు సోము వీర్రాజు విమర్శించారు. వరద నష్టాన్ని అంచనా వేయడంలో వైసీపీ ప్రభుత్వం ఘోరంగా విఫలమైందని మండిపడ్డారు. సోము వీర్రాజు ఏపీలో భారీ వర్షాలపై శుక్రవారం కేంద్ర వ్యవసాయ మంత్రి పురుషోత్తం రూపాలాతో రాష్ట్ర బీజేపీ అధ్యక్షుడు సోము వీర్రాజు వర్చ్యువల్‌ సమావేశంలో పాల్గొన్నారు. ఈ సందర్భంగా రాష్ట్రంలో కురుస్తున్న వర్షాలు, వరదల జరిగిన పంట నష్టాన్ని కేంద్రానికి వివరించారు. ఈ సమావేశం అనంతరం సోము వీర్రాజు మీడియాతో మాట్లాడుతూ.. సీఎం జగన్‌ తీరుపై అసంతప్తి వ్యక్తం చేశారు. వరద సమస్యలు, నష్టాలను అంచనా వేయడంలో రాష్ట్ర ప్రభుత్వం ఘోరంగా విఫలమైందని సోము వీర్రాజు ఆరోపించారు. రైతులకు కనీసం తక్షణ పరిహారం కూడా ఇవ్వలేదన్నారు. వరదల గురించి ప్రధాని నరేంద్ర మోదీ, కేంద్ర హోంమంత్రి అమిత్‌ షా పిలిచి ముఖ్యమంత్రి జగన్‌తో మాట్లాడారని చెప్పారు. అయినా సీఎం జగన్‌ తగినంత విధంగా స్పందించలేదని ఆగ్రహం వ్యక్తం చేశారు. ఏపీలో పంటల నష్టాన్ని అంచనా వేసేందుకు గాను కేంద్ర ప్రభుత్వం వెంటనే బందాలను పంపాలని కేంద్ర మంత్రిని కోరినట్లు సోము వీర్రాజు చెప్పారు. ఆంధ్రప్రదేశ్‌లో గత 10 రోజులుగా కురుస్తున్న భారీ వర్షాల ధాటికి రైతులు తీవ్రంగా నష్టపోయారు. ఈ వర్షాల వల్ల చేతికొచ్చిన పంట పంట నీటిమయం కావడంతో రైతులు కన్నీరుమున్నీరవుతున్నారు. మరోవైపు లోతట్టు ప్రాంత ప్రజలు తీవ్ర ఇబ్బందులు ఎదుర్కొంటున్నారు. ఈ విషయమై రాష్ట్ర ముఖ్యమంత్రి వైఎస్‌ జగన్మోహన్‌ రెడ్డి ఇప్పటికే కేంద్ర ప్రభుత్వానికి లేఖ రాసి అన్ని విషయాలను వివరించారు. ఏపీకి తక్షణ సాయం కింద నిధులు కూడా ఇవ్వాలని కోరారు.

Leave a Reply

Your email address will not be published. Required fields are marked *