నోరూరించే ఎగ్‌ కబాబ్స్‌

 

కావలసినవి: కోడిగుడ్లు – నాలుగు, శెనగపిండి – వందగ్రాములు, ఉల్లితరుగు – రెండు టేబుల్‌ స్పూనులు, కొత్తిమీర తరుగు – ఒక టీస్పూను, గరం మసాలా – ఒక టీస్పూను, బ్లాక్‌ పెప్పర్‌ – అర టీస్పూను, కారం – ఒక టీస్పూను, బ్రెడ్‌ పొడి – పావుకప్పు, నూనె – సరిపడినంత, నీళ్లు – అరకప్పు, ఉప్పు – చిటికెడు

తయారుచేసే విధానం:

కోడిగుడ్లు ఉడకబెట్టి పెంకు తీసేయాలి. గుడ్డుని సన్నగా తురిమేయాలి. ఒక గిన్నెలో తురిమిన కోడి గుడ్లను వేసి శెనగపిండి, ఉల్లితరుగు, కొత్తిమీర తరుగు, గరం మసాలా, బ్లాక్‌ పెప్పర్‌, కారం, బ్రెడ్‌ పొడి, నీళ్లు, ఉప్పు వేసి బాగా గిలక్కొట్టాలి. మిశ్రమం మరీ జారేట్టు కాకుండా…గారెలు వేయడానికి ఎంత జారుడుతనాన్ని కలిగి ఉంటాయో… అలా వచ్చేలా చూడాలి. నీరు అందుకు తగ్గట్టుగా వేయాలి. ఇప్పుడు ఆ మిశ్రమాన్ని కబాబ్స్‌ ఆకారంలో చేత్తోనే మెత్తుకోవాలి. స్టవ్‌ మీద కళాయిపెట్టి నూనె వేసి అందులో చేత్తో మెత్తిన కబాబ్‌ లు వేయించాలి. చిన్న మంట మీద కాసేపు వేయిస్తే బాగా వేగుతాయి. ఇలా కబాబ్స్‌ అన్నీ చేసుకున్నాక, వాటిని నూనె పీల్చే పేపర్‌ లో వేసి చుట్టేయాలి. అనంతరం కాగితం నుంచి వాటిని బయటికి తీసి ప్లేటులో పెట్టి… ఉల్లిపాయ ముక్కలు, కొత్తిమీర చట్నీతో సర్వ్‌ చేస్తే బాగుంటుంది.

Leave a Reply

Your email address will not be published. Required fields are marked *