డేవిడ్‌ ఎడ్వర్డ్‌ హ్యుస్‌… అమెరికా సంయుక్త రాష్ట్రాలకు చెందిన శాస్త్రవేత్త, సంగీతకారుడు. హ్యూగ్స్‌ మైక్రోఫోన్‌, టెలిప్రింటర్‌, రేడియో, క్రిస్టల్‌ రేడియో వంటి ఆవిష్కరణలకు సహ ఆవిష్కర్త. ఆయన వైణికుడు, సంగీతంలో ఆచార్యుడు. హ్యూగ్స్‌ వేల్స్‌ దేశంలో బాల ప్రాంతంలో 1831లో జన్మించాడు. ఏడేళ్ల వయసులో అతని కుటుంబం యునైటెడ్‌ స్టేట్స్‌కు వలస వెళ్ళింది. ఆయన ఒక ప్రయోగాత్మక భౌతిక శాస్త్రవేత్త. ఆయన విద్యుత్తు, విద్యుత్‌ సంకేతాలు వంటి రంగాలలో కృషిచేశాడు. ఆయన అభివృద్ధి చెందిన మైక్రోఫోన్‌ను కనుగొన్నాడు.

ఆ మైక్రోఫోన్‌ థామస్‌ అల్వా ఎడిసన్‌ కనుగొన్న కార్బన్‌ మైక్రోఫోన్‌ ట్రాన్సిమిటర్‌కు మార్పులు చేసి సరికొత్త మైక్రోఫోన్‌ కనుగొన్నాడు. ఆయన మైక్రోఫోన్‌ అనే పదాన్ని బలహీనమైన శబ్ద తరంగాల నుండి బెల్‌ టెలిఫోన్‌ రిసీవర్‌ వరకు ప్రసారణ సామర్థాన్ని పెంచే విధంగా వివరించి అభివృద్ధి చేశాడు. అతడు ప్రేరణ సమతౌల్యాన్ని కనుగొన్నాడు. ఇది ప్రస్తుతం మెటల్‌ డిటెక్టర్లలో ఉపయోగపడుతుంది. హ్యూగ్స్‌ ప్రయోగం ఒక ప్రయోగం అయినప్పటికీ అయన కొంత గణిత శిక్షణ పొందాడు. అతని స్నేహితుడు విలియం హెన్రీ ప్రీస్‌ ఒక గణిత శాస్త్రవేత్త.

డేవిడ్‌ హ్యూస్‌పై మొదటి జీవితచరిత్ర పుస్తకం ఇవోర్‌ హ్యూస్‌, డేవిడ్‌ ఎల్లిస్‌ ఎవాన్స్‌చే రాయబడి 2011లో ప్రచురితమయింది. హ్యూగ్స్‌ ఒక సంగీతకారుల కుటుంబంలోనివాడు. అయన 6 సంవత్సరాల వయసులో వీణపై సంగీత రాగాలను పలికించే సామర్థాన్ని పొందాడు. అతి పిన్న వయసులో వైణికునిగా రాణించి అమెరికాలో ఉన్న ప్రముఖ పియానో విధ్వాంసుడు, సెయింట్స్‌ జోసెఫ్‌ కాలేజ్‌, బార్డ్‌స్టోన్‌లో ప్రొఫెసర్‌ అయిన హెర్‌ హాస్ట్‌చే మన్ననలు పొందాడు. హ్యూగ్స్‌ ప్రింటింగ్‌ టెలిగ్రాఫ్‌ వ్యవస్థకు యునైటెడ్‌ స్టేట్స్‌లో 1855లో రూపకల్పన చేశాడు.

రెండు సంవత్సరాల లోపల అనేక చిన్న టెలిగ్రాఫ్‌ కంపెనీలు, వెస్టర్న్‌ యూనియన్‌ కంపెనీతో సహా అన్నీ కలసి ఒక పెద్ద కార్పొరేషన్‌గా ఏర్పడ్డాయి. అది వెస్టర్న్‌ యూనియన్‌ టెలిగ్రాఫ్‌ కంపెనీ. అది హ్యూగ్స్‌ వ్యవస్థ ద్వారా టెలిగ్రాఫ్‌ వ్యాపారాన్ని అభివృద్ధి చేసింది. హ్యూగ్స్‌ వ్యవస్థ అంతార్జాతీయ ప్రమాణాలకు ఎదిగింది. 1879లో తాను తయారు చెసిన మైక్రోఫోన్‌ వ్యవస్థ నందు విద్యుత్‌ స్ఫులింగాల రేడియో సిగ్నల్స్‌ను సృష్టించి అవి టెలిఫోన్‌ గ్రాహకం ద్వారా శోధించబడతాయని కనుగొన్నాడు.

అతడు తన స్ఫులింగ అంతర ట్రాన్స్‌మీటర్‌, గ్రాహకంలను సమాచార వ్యవస్థలో పనిచేసే వ్యవస్థను యత్న దోష పద్ధతి ప్రయోగాల ద్వారా కనుగొన్నాడు. అతడు మోర్స్‌ కోడ్‌ సిగ్నల్స్‌ను 500 యార్డుల పరిధి దాటి పంపుట, గ్రహించడం గూర్చి ప్రదర్శనలిచ్చాడు. ఈ ప్రదర్శనలలో పాల్గొన్న ముఖ్యులు విలియం క్రూక్స్‌, విలియం గ్రైల్స్‌ ఆడమ్స్‌, జేమ్స్‌ దీవార్‌. హ్యూస్‌ తన సాంకేతిక పరిజ్ఞానాన్ని రాయల్‌ సొసైటీలో గల సభ్యులకు ఫిబ్రవరి 1880లో ప్రదర్శన నిచ్చాడు. కానీ అది స్వల్ప విద్యుదయస్కాంత ప్రేరణ వల్ల విఫలమైంది.

ఎస్టోసెర హ్యూగ్స్‌ వైర్‌లెస్‌ టెలిగ్రఫీ పరిశోధనను కొనసాగిస్తూ ఉన్నపుడు హెర్ట్జ్‌ పరిశోధనలు ప్రచురితమయ్యాయి. అపుడు అయడు తన ప్రయోగాలు ముందుకు తీసుకొని వెళ్ళడంలో చాలా జాప్యం జరిగిందని ఆనుకొన్నాడు. హ్యూగ్స్‌ పరిశోధనలు 1892 వరకు పూర్తిగా వివరించేవరకు ప్రచురితం కాలేదు. హ్యూగ్స్‌ పరిశోధనలు పూర్తి మాగజైన్‌ వ్యాసాలుగా వ్రాయబడడం 1899లో జరిగింది. ఆయన పరిశోధనలపై ఒక పుస్తకం 1899, 1901లో ప్రచురితమైనది.

అయన పరిశోధనలు అస్పష్టమైన విధానంలో జరగనప్పటికీ అతడు విజ్ఞాన శాస్త్ర అభివృద్ధికి వాస్తవంగా ఎంతో గుర్తింపు తెచ్చిపెట్టాడు. రేడియో వ్యవస్థలో అప్పటివరకు ఉన్న దోషాలను సరిచేసినందుకు గాను అతడు రాయల్‌ సొసైటీకి 1880లో ఎన్నుకోబడ్డాడు. ఆయన రాయల్‌ మెడల్‌ను 1885లో అందుకున్నాడు. ఆయన కాలంలో అతి ప్రముఖమైన ఆవిష్కర్తలలో ఒకనిగా నిలిచాడు. ఆయనకు వచ్చిన అవార్డులను బట్టి అతడు రేడియో వ్యవస్థ ఆవిష్కర్తలలో ఒకనిగా ప్రసిద్ధి పొందాడు. ఆయనకు గుర్తింపుగా రాయల్‌ సొసైటీ హ్యూగ్స్‌ మెడల్‌ను సృష్టించింది.

దీనిని ఇతర శాస్త్రవేత్తలకు గుర్తింపుగా ఇస్తారు. భౌతిక శాస్త్రంలో వాస్తవ ఆవిష్కరణలు, విద్యుత్‌, అయస్కాంత, వాటి అనువర్తనాలపై పరిశోధనలు చేసే శాస్త్రవేత్తలకు ఈ అవార్డును ప్రదానం చేస్తారు.