దయాది దేశమైన పాకిస్థాన్ వైఖరిలో అనూహ్యంగా వచ్చిన మార్పుల ఫలితమో లేక, ఆ దేశ ప్రోత్సాహమో (ఉగ్రవాదం పట్ల మెతక వైఖరి కూడా కావచ్చు) తెలియదుకీనీ, ఈ మధ్య కాలంలో కశ్మీర్‌ సరిహద్దుల్లో వాతావరణం ఒక్కసారిగా వేడెక్కింది. ప్రధానమంత్రి నరేంద్రమోడీ గత రెండున్నరేళ్ల కాలంలో దౌత్యం వ్యూహాలకు ఎంతగా పరితప్పించారో ప్రత్యేకంగా చెప్పనక్కర్లేదు. ప్రపంచ దేశాలకు తిరిగి రావడంలో ప్రధాని నరేంద్రమోడీ చేసినంతగా ఏ ప్రధాని చేయలేదనే చెప్పొచ్చు. ఆయన ఎక్కువ శాతం విదేశీ పర్యటనలో ఉన్నారన్న ఆరోపణలు కూడా ఎదురుకున్నారు. ఆయన దౌత్యం ఫలించిందా? ఆయన చేసిన విదేశీ ప్రయాణాలు ఏమైన పనికి వచ్చాయా? అంటే ఇంత వరకు పరీక్షించుకునే సమయం రాలేదు. తాజాగా ఆ సమయం రానే వచ్చింది. దాయాది దేశమైన పాకిస్థాన్‌తో దౌత్య సంబంధాలను కొనసాగించాలన్న మోడీ ఆశలు అడియాశలుగానే మిగిలాయని చెప్పక తప్పదు. పాకిస్థాన్ మాత్రం తన వక్ర బుద్దిని మార్చుకోలేదు.

ఒకవైపు స్నేహ సంబంధాలంటూ చేతులు కలుపుతూనే మరోవైపు సైనికులపై కవ్వింపు చర్యలకు దిగుతుంది. తాజాగా కశ్మీర్‌లోని ఊరి సెక్టార్‌పై పాక్ టెర్రరిస్టుల దాడికి దిగి 18 మంది భారత సైనికులను పొట్టనపెట్టుకుంది. ఈ దాడితో భారత్ , పాకిస్థాన్ దేశాల మధ్య భారీగా మాటల యుద్దం కొనసాగుతూనే ఉంది. టెర్రరిజాన్ని నిర్మూలించి పాకిస్థాన్‌ను దారికి తీసుకొచ్చే సత్తా ఉన్నా నాయకుడిగా 2014 పార్లమెంట్ ఎన్నికల ప్రచారం సందర్భంగా పేరు తెచ్చుకున్న ప్రధాని నరేంద్ర మోడీకి ఇప్పుడు అసలైన అగ్ని పరీక్ష ఎదురైందనే చెప్పాలి.

సరిహద్దుల గుండా టెర్రరిజాన్ని ప్రొత్సహిస్తున్న పాకిస్థాన్‌కు ఎలా బుద్ది చెప్పాలన్న అంశంపై ఆయన సంబంధిత రంగాల నిపుణులలు, సలహాదారులతో సమాలోచనలు సాగిస్తున్నారు. ఉరీ దాడి నేపథ్యంలో పాక్‌తో కంటికి కన్ను పంటికి పన్ను తరహాలో వ్యవహరించాలనే డిమాండ్లు దేశవ్యాప్తంగా వెల్లువెత్తుతున్న నేపథ్యంలో ఈ అంశంపై ప్రధాని మోదీ ఇవాళ రోజంతా వార్‌ రూమ్‌‌లో అత్యున్నతస్థాయి సమావేశాలు నిర్వహించారు. వార్‌రూమ్‌గా వ్యవహరించే ఈ అత్యంత రహస్యమైన కార్యాలయం నుంచే రక్షణ శాఖ అన్ని భద్రతాపరమైన అంశాలనూ పర్యవేక్షిస్తుంది. నిన్న రాత్రి కూడా పొద్దుపోయేదాకా ఆ రూమ్‌లోనే ఉన్న పీఎం గురువారం నాడూ భద్రత వ్యవహారాలపై కేబినెట్‌ కమిటీతో అక్కడే రెండుసార్లు సమావేశమై పరిస్థితిని సమీక్షించారు. ఉరీ దాడికి ఎలా స్పందించాలో కేంద్ర కేబినెట్‌లోని కీలక మంత్రులతో, ఆర్మీ చీఫ్‌తో కార్యాచరణపై చర్చించారు. మ్యాప్‌లు, పవర్‌ పాయింట్‌ ప్రజెంటేషన్‌, సైకత నమూనాల ఆధారంగా మంత్రులు, ఆర్మీ ఉన్నతాధికారులు ఆయనకు పలు వివరాలు తెలియజేసినట్టు తెలుస్తోంది. వాస్తవానికి పాకిస్థాన్‌కు శాశ్వతంగా గుణపాఠం చెప్పేందుకు సమాలోచనలతో కాలయాపన చేయడం కంటే కదన రంగానికి కాలు దువ్వడమే మంచిదనే వాదన కూడా ప్రభుత్వ వర్గాల్లో ఎక్కువగా వినిపిస్తోంది.

పాకిస్ధాన్‌తో స్నేహం కోసం నరేంద్ర మోదీ పదే పదే ప్రయత్నించి అలసిపోయారు. కశ్మీర్‌పై ఆధిపత్యం కోసం పరితప్పిస్తున్న పాక్‌లో ప్రధాని నరేంద్రమోడీ గతేడాది డిసెంబర్ మాసంలో ఆకస్మిక పర్యటించారు కూడా. ఆయన దాదాపుగా మూడు గంటల పాటు పాకిస్థాన్‌లో గడిపారు. పాక్ ప్రధాని నవాజ్ షరీష్‌ను కలుసుకున్నారు. అయితే ఇంత వరకు బాగానే ఉన్నా ఆయన పర్యటన ఇరు దేశాల దౌత్య సంబంధాలు మెరుగు పడతాయనుకుంటే అది జరగలేదు. అయితే ఇక్కడ ట్వీస్ట్ ఏమిటంటే ప్రధాని నరేంద్రమోడీ వ్యక్తిగతంగా నవాజ్ షరీప్‌ను కలిసి ఆయన పుట్టిన రోజు శుభాకాంక్షలు తెలియాడానికే వెళ్లారా? అన్న ప్రశ్న కూడా ఉత్పన్నమైంది. రెండు దేశాల సంబంధాలు అంతం మాత్రంగానే ఉన్న తరుణంలో దానికి కాస్త నాటకీయతను జోడిస్తూ కాబూల్ నుంచి ట్వీట్ చేసిన ప్రధాని మోడీ ఢిల్లీ తిరిగి వెళ్లేటప్పుడు పాక్‌కు వెళ్లి ప్రధాని నవాజ్ షరీప్‌కు జన్మదిన శుభాకాంక్షలు తెలియజేయనున్నట్లు ప్రకటించి సంచలనం సృష్టించారు.

నరేంద్రమోడీ శాంతి కోసం ప్రయత్నించినప్పుడల్లా వారు టెర్రరిస్టు దాడులతో సమాధానం ఇచ్చారు. పాకిస్తాన్‌పై భారత్‌ యుద్ధం చేసేందుకు మెజారిటీ దేశ ప్రజల మద్దతు కూడా ఉందని ప్యూ రిసెర్చ్‌ సెంటర్‌ ఇటీవల నిర్వహించిన సర్వే వెల్లడించిన విషయం తెల్సిందే. సాయుధ దళాలతోనే టెర్రరిజాన్ని అణచివేయాలని 62 శాతం మంది ప్రజలు తమ సర్వేలో అభిప్రాయపడ్డారని ఆ సెంటర్‌ తాజాగా ప్రకటించింది. ప్రభుత్వం ఏదో ఒకటి చేయాలని, ప్రత్యక్ష కార్యాచరణకు దిగాలని దేశ ప్రజలు కోరుకుంటున్నారు. ఏదిఏమైనా న్యూయార్క్‌లో ఈ వారంలో జరుగనున్న ఐక్యరాజ్యసమితి సర్వసభ్య సమావేశాన్ని ఉపయోగించుకొని ప్రపంచం ముందు పాకిస్థాన్‌ను దోషిగా నిలబెట్టాలని, దౌత్యపరంగా ఒంటరిదాన్ని చేసేందుకు అన్ని రకాలుగా కృషి చేయాలని, ముఖ్యంగా ముందుగా పాకిస్థాన్‌తోని అన్ని వాణిజ్య, జల ఒప్పందాలను రద్దు చేసుకోవాలని నిపుణులు, సలహాదారులు ప్రధానికి సూచిస్తున్నట్లు తెలుస్తోంది. మరోవైపు, గత పార్లమెంట్‌ ఎన్నికలకు ముందు పాకిస్థాన్‌ పట్ల అప్పటి యూపీఏ ప్రభుత్వం మెతక వైఖరిని అవలంభిస్తోందని ఆరోపించిన నరేంద్ర మోదీ గతంలోనే ఆరోపించారు.

వాస్తవానికి కశ్మీర్ లోని మెజారిటీ ప్రజల అభిప్రాయం ప్రకారం వారు కోరుకుంటున్నది ఆజాది తప్ప పాకిస్థాన్ అంతర్భాగం కావాలన్నది కాదు. మన దేశం కన్నాఎంతో వెనకబడిన పాకిస్థాన్‌లో అంతర్భాగం కావాలని వారు కోరుకంటే అది వారి కర్మ అని మిగులుతాయి కదా. అందుకు ఒప్పుకోం మన మ్యాప్‌లో మార్పు రాకూడదు. కశ్మీర్ సమస్యను శాశ్వాతంగా పరిష్కరించేందుకు గతంలో ఎన్నో సార్లు ప్రయత్నాలు జరిగాయి. కానీ ఫలితం లభించలేదు. ఇటీవలి కాలంలో అటల్ బిహారి వాజ్‌పేయి, మన్మోహాన్ సింగ్ ప్రధాన మంత్రిగా ఉన్నప్పుడు కాస్త చిత్తశుద్దితోనే ప్రయత్నాలు కొనసాగాయి. శాంతి సరిహద్దుల పేరిట కశ్మీర్‌లోకి ఇరు దేశాలకు సమాన యాక్సెస్ ఉండేలా పాకిస్థాన్‌తో మన్మోహన్ సింగ్ ఓ ప్రతిపాదన చేశారు. ఇసుంట రమ్మంటే ఇల్లంతా తనదంటుందేమో అన్న భయంతో మన్మోహాన్ ముందుగా వెనకడుగు వేశారు. ఆ తరువాత పాకిస్థాన్ కూడా వెనక్కి తగ్గింది. కశ్మీర్ పూర్తి స్వాతంత్య్రం ఇవ్వకపోయినా పూర్తి స్వయం ప్రతిపత్తి కల్పిస్తే కశ్మీర్‌లో శాంతియుత పరిస్థితులు నెలకొంటాయని మేథావులు, చరిత్రకారులు ఎప్పటి నుంచో చెబుతున్న అంశం.

మరి ఇప్పుడు బలమైన నాయకుడిగా ఆవిర్భవించిన మోదీ ఎలాంటి నిర్ణయం తీసుకుంటారన్న విషయంపై అందరి దృష్టి కేంద్రీకృతమై ఉంది. అయితే, దాయాది దేశమైన పాకిస్థాన్ నాటి నుంచి దేశంలోకి చొరబడేందుకు చేస్తున్న ఆకృత్యాలు ఇంతా అంతాకాదు. నాటి పార్లమెంట్ దాడి నుంచి నేటి జమ్మూ కశ్మీర్ ఊరీ దాడి వరకు ప్రేరేపిత ఉగ్రవాదులతో దాడులు చేయిస్తూనే ఉంది. దాడుల ప్రత్యక్షంగా ఉగ్రవాదులు చేస్తున్నా అందుకు పాకిస్థాన్ హస్తం ఉందన్న ఆధారాలు భారత దేశానికి లభ్యమౌతూనే ఉన్నాయి. అయినా సామరస్యంగా సమస్యను పరిష్కరించుకోవాలని భావించిన భారత్ ఎన్నో సార్లు చర్చల పర్వానికి తెర తీసింది. పాకిస్థాన్ ఒక వైపు చర్చలకు సిద్దం అంటునే మరోవైపు కవ్వింపు చర్యలకు పాలుపడు తుంది. కశ్మీర్‌పై ఆధిపత్యం కోసం పరితప్పిస్తున్న పాక్‌లో ప్రధాని నరేంద్రమోడీ గతేడాది డిసెంబర్ మాసంలో ఆకస్మిక పర్యటించారు కూడా. ఆయన దాదాపుగా మూడు గంటల పాటు పాకిస్థాన్‌లో గడిపారు. పాక్ ప్రధాని నవాజ్ షరీష్‌ను కలుసుకున్నారు. అయితే ఇంత వరకు బాగానే ఉన్నా ఆయన పర్యటన ఇరు దేశాల దౌత్య సంబంధాలు మెరుగుపడతాయనుకుంటే అది జరగలేదు.

అయితే ఇక్కడ ట్వీస్ట్ ఏమిటంటే ప్రధాని నరేంద్రమోడీ వ్యక్తిగతంగా నవాజ్ షరీప్‌ను కలిసి ఆయన పుట్టిన రోజు శుభాకాంక్షలు తెలియాడానికే వెళ్లారా? అన్న ప్రశ్న కూడా ఉత్పన్నమైంది. రెండు దేశాల సంబంధాలు అంతం మాత్రంగానే ఉన్న తరుణంలో దానికి కాస్త నాటకీయతను జోడిస్తూ కాబూల్ నుంచి ట్వీట్ చేసిన ప్రధాని మోడీ ఢిల్లీ తిరిగి వెళ్లేటప్పుడు పాక్‌కు వెళ్లి ప్రధాని నవాజ్ షరీప్‌కు జన్మదిన శుభాకాంక్షలు తెలియజేయనున్నట్లు ప్రకటించి సంచలనం సృష్టించారు. ప్రధాని నరేంద్ర మోడీ అన్నిదేశాల తిరుగుతూ దౌత్య సంబంధాలు మెంటైన్ చేయడం మంచిదేకానీ పాకిస్థాన్ వంటి దేశానికి సమయం సందర్భం లేకుండా వెళ్లడం మాత్రం అంత మంచిది కాదన్న వాదన అప్పట్లో గట్టిగా నే వినిపించింది. గతంలో శాంతి చర్చలకు జమ్ము కశ్మీర్‌పై చర్చలు ఉండవద్దని మన దేశం భావిస్తే ఆ దేశం మాత్ర ఖచ్చితంగా ఉండాల్సిందేనని లేకపోతే శాంతి చర్చలు ఉండవని తేల్చి చెప్పారు. ఈ క్రమంలో ఇరు దేశాలల మధ్య చర్చలకు దాదాపుగా దూరంగానే ఉంటూ వస్తున్నారు. అంతే కాకుండా దేశ సరిహద్దులో ఆ దేశపు భద్రత బలగాలు కవ్వింపు చర్యలు నిత్యం జరుగుతూనే ఉన్నాయి.

ఇదే క్రమంలో తాజాగా జమ్మూ కశ్మీర్‌లోని యూరిలో పాక్ ప్రేరేపిత జైషేమియా ఉగ్రవాద సంస్థ ఆర్మీ క్యాంపుపై దాడి చేసి విఛక్షణ రహితంగా కాల్పులకు పాలు పడింది. ఈ కాల్పులో 18 సైనికులు అసులువు బాసారు. దీంతో స్పందించిన ప్రధాని మోడీ పాకిస్థాన్‌పై తీవ్ర స్థాయిలో స్పందించారు. దాయాది పాకిస్థాన్‌ను ఎలా ఎదుర్కోవాలనే విషయమై తన కేబినెట్ సీనియర్ మంత్రులతో భేటీ అయ్యారు. తమ సైనికులను అమానుషంగా పొట్టనబెట్టుకున్న యూరి ఉగ్రవాద దాడి నేపథ్యంలో పాకిస్థాన్‌కు అన్ని విధాలా గట్టి జవాబు చెప్పాలనే డిమాండ్ దేశ ప్రజల నుంచి వినిపిస్తున్న క్రమంలో పాకిస్థాన్‌ను గట్టి దెబ్బతీసేందుకు ఈ సమావేశంలో కీలక నిర్ణయం తీసుకున్నట్టు తెలుస్తోంది.

అన్ని అంతర్జాతీయ వేదికల మీద దాయాది తీరును ఎండగట్టాలని, దౌత్యపరంగా ఆ దేశాన్ని ఏకాకిని చేయడమే సత్వర లక్ష్యంగా పెట్టుకోవాలని నిర్ణయించినట్టు సమాచారం. ప్రతి అంతర్జాతీయ వేదికపైనా పాక్‌ను దౌత్యపరంగా ఏకాకిని చేయాలని, ఇందులో భాగంగా ఉగ్రదాడుల్లో పాకిస్థాన్ పోషిస్తున్న పాత్రను అంతర్జాతీయంగా బట్టబయలు చేసేలా స్పష్టమైన ఆధారాలు సేకరించాలని ఈ సమావేశంలో నిర్ణయించారు. ముఖ్యంగా త్వరలో జరగనున్న ఐక్యరాజ్యసమితి జనరల్ అసెంబ్లీ సమావేశాల్లో దాయాదికి గట్టి బుద్ధి చెప్పాలని నిశ్చయించినట్టు తెలుస్తోంది. పాక్‌ను కార్నర్ చేసేందుకు అందుబాటులో ఉన్న ఇతర ప్రత్యామ్నాయాలపై కూడా ఈ సమావేశంలో చర్చించినప్పటికీ, వాటిని మరింతగా చర్చించి సమగ్ర నిర్ణయం తీసుకోవాలని నిర్ణయించినట్టు అధికార వర్గాలు తెలిపాయి.