ఉపాధిహామీ పథకం క్రింద ఉద్యానవన మొక్కల పెంపకంలో భాగంగా అన్ని అంశాలలో టెక్నికల్‌ అసిస్టెంట్లు వెనుకబడివున్నారని వారి పనితీరును మెరుగుపరచుకోవాలని కేకుంటే క్రమ శిక్షణాచర్యలు తప్పవని డ్వామా పిడి చంద్రమౌళి హెచ్చరించారు. శనివారం స్దానిక డ్వామా కార్యాలయపు సమావేశ మందిరంలో టెక్నికల్‌ అసిస్టెంట్లుతో సమావేశమైన పిడి ఉపాధిహామీ పథకపు పనులను అంశముల వారిగా సమీక్షించారు. ఈ సందర్బంగా వారు మాట్లాడుతూ ఉద్యానవన మొక్కల పెంపకం కొరకు రైతులు తప్పనిసరిగా వారి అక్కౌంటు నెంబర్లు ఇవ్వాలని అప్పుడే వారికి మొక్కల పెంపకానికి డబ్బులు జమచేయడం జరుగుతుందని తెలిపారు.

డి మస్తర్లు అప్‌లోడ్‌ చేయుటలో డిసెంబరు నుండి జనవరి 17 వరకు 20 శాతం మాత్రమే చేసారని డి మస్తర్లవలన టెక్నికల్‌ అసిస్టెంట్ల పనితీరు తెలుస్తుందని తెలిపారు. వ్యక్తగత మరుగుదొడ్లు నిర్మించుటలో 2012వ సం.రంలో మంజూరు ఉత్తర్వులు జారీచేయగా అందులో 3,600 గ్రౌండింగ్‌ అయిందని ఇప్పటి వరకు 300 మాత్రమే పూర్తికాబడిందని తెలిపారు.

ప్రతి పంచాయితిలో కనీసం 50 వ్యక్తిగత మరుగుదొడ్లను, ప్రతి టెక్నికల్‌ అసిస్టెంట్లు నిర్మించాలని తెలిపారు. జనవరి నెలాఖరులోపు వికలాంగులను గుర్తించి పనిచేయు సామర్యంగల వికలాంగులకు తప్పసరిగా జాబ్‌ కార్డులు అందజేయాలన్నారు. కూలీలకు పనికల్పించుటలో ఇప్పటి వరకు 7శాతం కుటుంబాలకు మాత్రమే పనికల్పించడం జరిగిందని, అలాగే 11,313 హేబిటేషన్లకుగాను 4,812 గ్రామాలలో పనులు కల్పించారని, ఒక హేబిటేషన్లో కనీసం 10 మందికి పనులు కల్పించినా కూలీల శాతం పెరుగుతుందన్నారు.

టెక్నికల్‌ అసిస్టెంట్లు పిబ్రవరిలోపు వారి పనితీరును మెరుగుపరచుకోవాలని పిబ్రవరి నెల సమీక్ష సమావేశంలో ప్రోగ్రెస్‌ చూపని వారిపై కఠిన చర్యలు తప్పవని తెలిపారు. ఈ సమావేశానికి వన సంరక్షణ అధికారి సుబ్రమణ్యం, ఎపిఓలు, 65 మండల టెక్నికల్‌ అసిస్టెంట్లు హాజరైయ్యారు.