దాదాపు 150 కోట్ల రూపాయలతో నిర్మాణం కానున్న ప్రభాస్ 19వ చిత్రం ఇప్పుడు అఫీషియల్‌గా స్టార్ట్ అయిపోయింది. యూనిట్ అంతా కలిసి పూజా కార్యక్రమాల్లో పాల్గొన్నాడు. ప్రభాస్‌తో పాటు దర్శకుడు సుజిత్, నిర్మాతలు, ప్రభాస్ స్నేహితులైన వంశీ, ప్రమోద్ తదితరులు కలిసి తాజాగా జరిగిన పూజా కార్యక్రమానికి హాజరయ్యారు. రెగ్యులర్ షూటింగ్ ప్రారంభానికి మరో రెండు నెలలు పడతుందని తెలుస్తోంది. అయితే, ఈ మూవీ గురించిన అప్ డేట్స్ మాత్రం ఆసక్తి కలిగిస్తున్నాయి. ఇంటర్నేషనల్ స్టాండర్డ్స్‌లో ఇందులో ఓ యాక్షన్ సీక్వెన్స్ ఉంటుందట. కేవలం ఈ ఒక్క ఎపిసోడ్‌కే 25 కోట్లు ఖర్చు చేయనున్నట్లు వినికిడి. ట్రాన్స్‌ఫార్మర్స్ లాంటి హాలీవుడ్ మూవీకి పని చేసిన కెన్నీ బీట్స్ ఆధ్వర్యంలో ఈ యాక్షన్ ఎపిసోడ్ తెరకెక్కబోతోంది. దుబాయ్‌లోని బుర్జ్ ఖలీఫా దగ్గర పిక్చరైజ్ చేసే ఈ ఎపిసోడ్ సినిమాకు కీలకం అంటున్నారు సినిమా యూనిట్. ఇదిలావుండగా, రోగ్ సినిమాలోని  కొత్త కుర్రాడు ఇషాన్ గురించి బాగానే రిపోర్టులు ఇస్తున్నారు ఇప్పుడు. పూరి క్యారెక్టర్‌కు తగినట్లు చాలా ఎనర్జటిక్‌గా చేసాడంటున్నారు. హీరో క్యారెక్టర్ మళ్లీ మరోసారి పూరి ఇడియట్ స్టయిల్‌లోనే వుందట. ఇప్పుడు ఈ సినిమాను మార్కెట్ చేయడానికి చూస్తున్నారు. కన్నడ సినిమా మార్కెట్‌కు ప్రాబ్లమ్ లేదు. ఎందుకంటే కుర్రాడు అక్కడి వాడు, ఇషాన్ ఫాదర్‌కు అక్కడ సినిమా బిజినెస్ వుంది కాబట్టి. కానీ ఇక్కడ మార్కెట్‌నే చూసుకోవాలి. సినిమాకు 20 కోట్ల వరకు ఖర్చుచేసినట్లు వినికిడి. అంటే తెలుగులో కూడా కాస్త చెప్పుకోదగ్గ రేట్లకే అమ్మాలి. మరి పూరి ఆ టాస్క్‌ను ఫినిష్ చేయగలరా అన్నది చూడాలి. ఇది విడుదలై మాంచి రిపోర్ట్ వస్తే, పూరి జగన్నాధ్ బండి ట్రాక్‌కు ఎక్కడం అంత కష్టం ఏమీ కాదని చెప్తున్నారు క్రిటిక్స్.