జేవియర్‌ పెరేజ్‌ డిక్యుల్లర్‌… ఐక్యరాజ్య సమితికి 5 వ ప్రధాన కార్యదర్శిగా పనిచేసిన పెరూకు చెందిన దౌత్యవేత్త. ఇతడు 1920, జనవరి 19న పెరూ రాజధాని నగరం లిమాలో జన్మించాడు. డిక్యుల్లర్‌ 1940లో పెరూ విదేశాంగ మంత్రిగా, 1944లో దౌత్య సర్వీసులో పనిచేసినాడు. ఆ తరువాత ఫ్రాన్స్‌లోని పెరూ దౌత్య కార్యాలయంలో కార్యదర్శిగా వ్యవహరించనాడు. ఆ తదుపరి కాలములలో డిక్యుల్లర్‌ స్విట్జర్లాండ్‌, సోవియట్‌ యూనియన్‌ (నేటి రష్యా), పోలాండ్‌, వెనుజులాలలో రాయబారిగా పనిచేసినాడు.

1946లో లండన్‌లో జరిగిన ఐక్యరాజ్య సమితి సాధారణ సభ తొలి సమావేశపు కాలంలో అతడు పెరూ నుంచి జూనియర్‌ సభ్యుడిగా హాజరయ్యాడు. 1973, 1974లలో భద్రతా మండలిలో తన దేశం తరఫున ప్రాతినిధ్యం వహించినాడు. 1974 జూలైలో సైప్రస్‌ సమస్య వివాదించే కాలంలో డుక్యుల్లర్‌ భద్రతా మండలి అధ్యక్షుడిగా ఉన్నాడు. 1975 సెప్టెంబర్‌ 18 నాడు అతడికి సైప్రస్‌లో ప్రధాన కార్యదర్శి ప్రధాన దూతగా నియమించినారు. ఈ పదవిలో అతడు 1977 డిసెంబర్‌ వరకు కొనసాగాడు.

1979 ఫిబ్రవరి 27న ఐక్యరాజ్య సమితి ఉప ప్రధాన కార్యదర్శిగా ప్రత్యేక రాజకీయ అంశం కోసం నియమితుడయ్యాడు. అప్ఘనిస్తాన్‌ సమస్యపై కూడా ప్రధాన కార్యదర్శి ప్రత్యేక దూతగా వ్యవహరించే అవకాశం లభించినది. 1981 డిసెంబర్‌ 31న డిక్యుల్లర్‌ ఐక్యరాజ్య సమితి 5వ ప్రధాన కార్యదర్శిగా పదవీ భాధ్యతలు కుర్ద్‌ వాల్దీమ్‌ నుంచి స్వీకరించారు. 1986లో అతడు తిరిగి రెండో పర్యాయం ఐరాస ప్రధాన కార్యదర్శిగా ఎన్నికై 1991 డిసెంబర్‌ 31 వరకు పదవిలో కొనసాగారు.

రెండు సందర్భాల్లోను కూడా డిక్యుల్లర్‌ ఫాక్లాండ్‌ దీవుల సమస్యపై బ్రిటన్‌, అర్జెంటీనాల మధ్య మధ్యవర్తిగా నిర్వర్తించాడు. ఆ విధంగా మధ్య అమెరికాలో శాంతిసాధనకు దోహదపడ్డారు. ఇతని తరువాత బౌత్రోస్‌ బౌత్రోస్‌ ఘలీ ఐక్యరాజ్య సమితి ప్రధాన కార్యదర్శి అయ్యారు. డిక్యుల్లర్‌ 1995లో పెరూ అధ్యక్ష పదవికి జరిగిన ఎన్నికలలో అల్బెర్టో ఫుజుమొరితో పోటీపడి పరాజయం పొందినాడు.