తెలుగుదేశం పార్టీ వ్యవస్థాపకుడు, మాజీ ముఖ్యమంత్రి దివంగత నందమూరి తారక రామారావు 21వ వర్ధంతి వేడుకలు బుధవారం రాష్ట్ర వ్యాప్తంగా ఘనంగా జరిగాయి. హైదరాబాద్‌లోని ఎన్టీఆర్‌ ఘాట్‌ వద్ద తెదేపా అధినేత, మాజీ ముఖ్యమంత్రి నారా చంద్రబాబునాయుడు తనయుడు నారా లోకేష్, ఆయన భార్య, తనయుడు సహా తల్లి భువనేశ్వరి, ఎన్టీఆర్‌ కుటుంబ సభ్యులు నందమూరి హరికృష్ణ, బాలకృష్ణ, జూనియర్‌ ఎన్టీఆర్‌ తదితరులు నివాళులర్పించారు. పలువురు తెదేపా నాయకులు, కార్యకర్తలు కార్యక్రమానికి హాజరయ్యారు.

హైదరాబాద్‌ రసూల్‌పురాలోని ఎన్టీఆర్‌ విగ్రహం వద్ద అమరజ్యోతి ర్యాలీని నందమూరి బాలకృష్ణ బుధవారం ఉదయం ప్రారంభించారు. కార్యక్రమంలో పలువురు తెదేపా నాయకులు, కార్యకర్తలు భారీగా పాల్గొన్నారు. ఎన్టీఆర్‌ 31వ వర్థంతి సందర్భంగా ఆయన తనయుడు నందమూరి హరికృష్ణ ఎన్టీఆర్‌ ఘాట్‌ వద్ద నివాళులర్పించారు. అనంతరం మీడియాతో మాట్లాడుతూ తెలుగువారి ఆత్మగౌరవాన్ని ఢిల్లీ నడివీధుల్లో తాకట్టుపెట్టినప్పుడు ఎన్టీఆర్‌ పార్టీ పెట్టారని గుర్తు చేశారు.

రాష్ట్ర ప్రజలంతా క్షేమంగా ఉండాలని ఎన్టీఆర్‌ ఎప్పుడూ ఆరాటపడేవారని, రాజకీయాలకు అతీతంగా ఎన్నో కార్యక్రమాలు చేసిన ఘనత ఎన్టీఆర్‌దేనన్నారు. ఎవరికి వాళ్లు రాజకీయ స్వార్థంతో రాష్ట్రాన్ని విడగొట్టేందుకు ప్రయత్నిస్తున్నారని ఆవేదన వ్యక్తం చేశారు. తెలుగు ప్రజల ఆవేదనకు ప్రతీకగానే తాను రాజీనామా చేశానని హరికృష్ణ వివరించారు. ఎన్టీ రామారావు వర్థంతి సందర్భంగా బుధవారం ఎన్టీఆర్‌ మెమోరియల్‌ ట్రస్ట్‌ ఆధ్వర్యంలో బంజారాహిల్స్‌లోని ఎన్టీఆర్‌ ట్రస్ట్‌ భవన్‌లో వివిధ కార్యక్రమాలు ఏర్పాటుచేశారు.

బాలయ్య ముఖ్యఅతిథిగా పాల్గొని ఆయా కార్యక్రమాలను ప్రారంభించారు. బుధవారం మధ్యాహ్నం 2 గంటలకు రక్తదాన శిబిరాన్ని ఏర్పాటుచేశారు. ఉచిత నేత్రపరీక్షలు నిర్వహించి కంటి అద్దాలను పంపిణీ చేశారు. ఓ ఆశ్రమ పాఠశాలలో అత్యాచారానికి గురైన 12 మంది బాలికల పేరుతో రూ.25 వేల చొప్పున బ్యాంకులో చేసిన డిపాజిట్లకు సంబంధించిన పత్రాలను వారి తల్లిదండ్రులకు అందజేశారు. కాగా, ఎన్టీఆర్‌ వర్థంతి సందర్భంగా శనివారం రవీంద్రభారతిలో ఎన్టీఆర్‌ లలిత కళ, ప్రతిభా పురస్కారాల ప్రదానోత్సవం నిర్వహించారు.

కాగా, తెలుగుదేశం పార్టీ తన రక్తంలో భాగమని సినీ హీరో జూనియర్‌ ఎన్టీఆర్‌ అన్నారు. ఎన్టీఆర్‌ 21వ వర్థంతి సందర్భంగా బుధవారం వేకువజామునే ఆయన ఘాట్‌ వద్ద జూనియర్‌ ఎన్టీఆర్‌ నివాళులర్పించారు. అనంతరం మీడియాతో మాట్లాడుతూ వచ్చే ఎన్నికల్లో పోటీ చేసే ఆలోచన లేదని స్పష్టం చేశారు. తెలుగుదేశం పార్టీ తరపున ప్రచారం చేయడం తన బాధ్యత అని ప్రకటించారు. తనకు బ్రతుకు దెరువు ఇస్తున్నది నటనేనని, తెలుగు ప్రజల అందిరితో పాటు తమ కుటుంబానికి తాత ఆశీస్సులు ఉంటాయని అన్నారు.

నందమూరి హరికృష్ణ మాట్లాడుతూ తెలుగువారి ఆత్మగౌరవాన్ని ఢిల్లీ నడివీధుల్లో తాకట్టుపెట్టినప్పుడు ఎన్టీఆర్‌ పార్టీ పెట్టారని గుర్తు చేశారు. రాష్ట్ర ప్రజలంతా క్షేమంగా ఉండాలని ఎన్టీఆర్‌ ఎప్పుడూ ఆరాటపడేవారని, రాజకీయాలకు అతీతంగా ఎన్నో కార్యక్రమాలు చేసిన ఘనత ఎన్టీఆర్‌దేనన్నారు. ఎవరికి వాళ్లు రాజకీయ స్వార్థంతో రాష్ట్రాన్ని విడగొట్టేందుకు ప్రయత్నిస్తున్నారని ఆవేదన వ్యక్తం చేశారు. తెలుగు ప్రజల ఆవేదనకు ప్రతీకగానే తాను రాజీనామా చేశానని హరికృష్ణ వివరించారు.

ఎన్టీఆర్‌ 21వ వర్ధంతిని బుధవారంనాడు ఆయన కుటుంబ సభ్యులు, తెలుగుదేశం పార్టీ నాయకులు, అభిమానులు, రాష్ట్ర ప్రజలు ఘనంగా నిర్వహించారు. ఈ సందర్భంగా హైదరాబాద్‌ ట్యాంక్‌ బండ్‌ వద్ద ఉన్న ఎన్టీఆర్‌ ఘాట్‌లో ఆయన సమాధి వద్ద కుటుంబ సభ్యులు, తెలుగుదేశం నాయకులు ఘనంగా నివాళులు అర్పించారు. ఈ సందర్భంగా ఎన్టీఆర్‌ అల్లుడు, టిడిపి అధ్యక్షుడు నారా చంద్రబాబునాయుడు తనయుడు లోకేష్, భార్య భువనేశ్వరి, ఎన్టీఆర్ కుటుంబ సభ్యులు పలువురు అంజలి ఘటించిన అనంతరం మాట్లాడుతూ ఎన్టీఆర్‌ జీవిత చరిత్ర భావి తరాలకు ఆదర్శం అని కొనియాడారు.

తెలుగువారి ఆత్మగౌరవాన్ని దశదిశలా చాటిన ఎన్టీఆర్‌ వర్ధంతిని ‘ఆత్మగౌరవదినం’గా నిర్వహించుకోవాలని పార్టీ శ్రేణులకు పిలుపునిచ్చారు. దేశ రాజకీయాల్లో మహోన్నతమైన మార్పులు తీసుకువచ్చిన వ్యక్తి ఎన్టీఆర్‌ అని ప్రశంసించారు. కేంద్ర మంత్రి దగ్గుబాటి పురందేశ్వరి తన తండ్రికి నివాళులు అర్పించారు. ఎన్టీఆర్‌ జీవితానికి సంబంధించి మరికొన్ని నిజాలతో పుస్తకం రెండో సంపుటిని కూడా రచిస్తున్నట్లు ఈ సందర్భంగా దగ్గుబాటి వెంకటేశ్వరరావు తెలిపారు. వీరిద్దరూ ఎన్టీఆర్‌ సమాధిపై పుష్పగుచ్ఛాలు ఉంచి ఘనంగా నివాళులు అర్పించారు.

ఎన్టీఆర్‌ ఘాట్‌ వద్ద ఆయన తనయుడు హరికృష్ణ, జూనియర్‌ ఎన్టీఆర్‌ కూడా ఘనంగా నివాళులు అర్పించారు. ఎన్టీఆర్‌ ఆశయ సాధనకు కృషిచేస్తామని హరికృష్ణ ఈ సందర్భంగా అన్నారు. భౌతికంగా తాతగారు తమకు దూరమైనా మన గుండెల్లోనే ఉన్నారంటూ జూనియర్‌ ఎన్టీఆర్‌ పేర్కొన్నారు. ఈ కల్యాణ్‌ రామ్‌, జయకృష్ణ, చంద్రబాబు సతీమణి, ఎన్టీఆర్‌ కుమార్తె భువనేశ్వరి, వారి కుమారుడు లోకేష్‌ తదితరులు కూడా ఎన్టీఆర్‌కు నివాళులు అర్పించారు. ఎన్టీఆర్‌ వర్ధంతి సందర్భంగా ఆయన సతీమణి లక్ష్మీ పార్వతి ఘనంగా నివాళులు అర్పించారు.

ఎన్టీఆర్‌ ఘాట్‌పై పుష్పగుచ్ఛాలు ఉంచిన ఆమె దుఃఖాన్ని ఆపుకోలేక కంటతడి పెట్టారు. ఎన్టీఆర్‌ స్థాపించిన తెలుగుదేశం పార్టీ దుస్థితికి వస్తుందని ఊహించలేదన్నారు. ఎన్టీఆర్‌కు ద్రోహం చేసిన వారిని విడిచిపెట్టేది లేదంటూ శపథం చేశారు. టిడిపి నాయకులు దేవేందర్‌ గౌడ్‌, రేవంత్ రెడ్డి, రమణ తదితరులు ఎన్టీఆర్‌కు నివాళులు అర్పించిన వారిలో ఉన్నారు. అనంతపురం ఎన్టీఆర్‌ సర్కిల్‌లోని ఎన్టీఆర్‌ విగ్రహానికి తెదేపా నాయకులు, పలువురు ఎమ్మెల్యేలు, కార్యకర్తలు, అభిమానులు పూలమాలలు వేసి నివాళులర్పించారు.

అనంతపురం జిల్లా తెలుగుదేశం పార్టీ అధ్యక్షులు పెనుకొండ ఎమ్మెల్యే బికే పార్థసారథి, రాప్తాడు ఎమ్మెల్యే పరిటాల సునీత, పార్టీ పొలిట్‌ బ్యూరో సభ్యులు కాల్వ శ్రీనివాసులు, మాజీ మంత్రి శమంతకమణి, నియోజకవర్గం ఇన్‌ఛార్జీ మహాలక్ష్మి శ్రీనివాస్‌, నగర పార్టీ అధ్యక్షులు క్రిష్ణకిశోర్‌, నాయకులు పాండు రంగమూర్తి, దేవళ్ల మురళీ, వెంకటరాముడు, మైనార్టీ సెల్‌ నాయకులు నదీమ్‌, స్వామిదాస్‌, ఆదినారాయణ, పరిటాల మహేంద్ర, రాష్ట్ర ఎన్టీఆర్‌ అభిమాన సంఘం కన్వీనర్‌ ఎల్‌. నరేంద్ర చౌదరి, యువరత్న ఎన్టీఆర్‌ అసోసియేషన్‌ అధ్యక్షులు తిరుపాల్‌, నాయకులు బాలాచారి, జాఫర్‌, దస్తగిరి, గౌస్‌ పీరా తదితరులు పాల్గొన్నారు.

తొలుత జిల్లా తెదేపా కార్యాలయంలో ఎన్టీఆర్‌ చిత్రపటానికి పూలమాలలు వేసి, నివాళులర్పించారు. అనంతరం ఎన్టీఆర్‌ విగ్రహానికి పూలమాలలు వేశారు. ఈ సందర్భంగా నాయకులు మాట్లాడుతూ స్వర్గీయ ఎన్టీఆర్‌ మరపురాని మహనీయులన్నారు. సినీ నటునిగా ఖ్యాతిగాంచి, 1982లో రాజకీయ రంగ ప్రవేశం చేసి, తెలుగుదేశం పార్టీని ప్రవేశపెట్టి, తొమ్మిది నెలల్లో అధికారంలోకి వచ్చి, బడుగుబలహీన వర్గాల అభ్యున్నతికి ఎంతో కృషి చేశారన్నారు. పేద ప్రజల కోసం ఎన్నో సంక్షేమ పథకాలు ప్రవేశపెట్టి, రాష్ట్రాన్ని అభివృద్ధి పథంలో పయనింపజేశారన్నారు.

పేదల కోసం రూ. 2 కిలో బియ్యం పథకాన్ని ప్రవేశపెట్టిన ఘనత ఎన్టీఆర్‌కే దక్కిందన్నారు. అదే బాటలో చంద్రబాబునాయుడు కూడా తొమ్మిదేళ్ల పాలనలో అనేక సంక్షేమ పథకాలను ప్రవేశపెట్టి, రాష్ట్రాన్ని అభివృద్ధి బాటలో నడిపించారన్నారు. తిరిగి రాష్ట్రం అభివృద్ధి చెందాలన్నా ప్రజాసమస్యలు పరిష్కారం కావాలన్నా తెలుగుదేశం పార్టీని గెలిపించి, చంద్రబాబునాయుడుకు మరోసారి ముఖ్యమంత్రిగా అవకాశం కల్పించాలని వారు కోరారు. తెదేపా నాయకులు, కార్యకర్తలు, అభిమానులు ఎన్టీఆర్‌ను విస్మరించకుండా ఆయన ఆశయ సాధన కోసం కృషి చేయాలని కోరారు.