చైనాలో మరో కొత్త వైరస్‌ వెలుగుచూడడం ప్రపంచానికి ఆందోళన కలిగిస్తోంది. ఆ వైరస్‌ పేరు లాంగ్యా హెనిపా. ఇది జంతువుల నుంచి మనుషులకు సోకుతున్నట్టుగా గుర్తించారు. లాంగ్యా హెనిపా వైరస్‌ సోకిన వారిలో ప్రధానంగా జ్వరం, దగ్గు, నీరసం, ఆకలి లేకపోవడం, తలనొప్పి, వాంతులు, కండరాల నొప్పులు, వికారం వంటి లక్షణాలను గుర్తించారు. దాంతోపాటే ప్లేట్‌ లెట్స్‌ సంఖ్య పడిపోవడం, కాలేయం, మూత్రపిండాలపై ప్రభావం చూపే అవకాశాలు ఉన్నాయని నిపుణులు వెల్లడిరచారు. లాంగ్యా హెనిపా వైరస్‌ కేసులు చైనాలోని హెనాన్‌, షాంగ్‌ డాంగ్‌ ప్రావిన్స్‌ల్లో నమోదయ్యాయి. ఇది జంతువుల నుంచి మనుషులకు సోకుతున్నట్టుగా గుర్తించారు. దీని ద్వారా ఇప్పటికే చైనాలో 35 కేసులు నమోదయ్యాయి. వీరిలో ఒకరి నుంచి మరొకరికి సోకిందనడానికి ఎలాంటి ఆధారాలు లభించలేదు. వీరికి జంతువుల నుంచే సోకి ఉంటుందని భావిస్తున్నారు.