గుంటూరు, అక్టోబబర్ 4 (న్యూస్‌టైమ్): దసరా ఉత్సవాల సందర్భంగా ప్రయాణికుల సౌకర్యార్థం తూర్పుకోస్తా రైల్వే వాల్తేరు డివిజన్‌ ప్రత్యేక రైళ్లు ప్రవేశపెట్టింది. దేశంలోని అన్ని ప్రధాన ప్రాంతాలకు ఎక్స్‌ప్రెస్‌, సూపర్‌ఫాస్ట్‌, సువిధ, ఏసీ ప్రత్యేక రైళ్లను అందుబాటులోకి తీసుకువచ్చింది. విశాఖ నుంచి విల్లుపురం, సికింద్రాబాద్‌, యశ్వంత్‌పూర్‌, తిరుపతి, సంత్రాగచ్చి, టాటానగర్‌, సంబల్‌పూర్‌, కాచీగూడ, పుదుచ్ఛేరి చుట్టుపక్కల ప్రాంతాల ప్రయాణికులకు సద్వినియోగమయ్యేలా నవంబర్‌ నెలాఖరు వరకు నడపనున్నారు.

దసరా రద్దీని దృష్టిలో వుంచుకుని ప్రవేశపెట్టిన ఈ ప్రత్యేక రైళ్లకు రిజర్వేషన్‌ సదుపాయం అందుబాటులో వుంది. 82853 నంబరు గల రైలు సువిధ ప్రత్యేక రైలు ప్రతి సోమ, బుధ, శనివారాల్లో (వారానికి మూడు రోజులు) రాత్రి 10.00 గంటలకు విశాఖలో బయలుదేరి మర్నాడు మధ్యాహ్నం 3.30 గంటలకు విల్లుపురం చేరుతుంది. ఇది నవంబరు 14వ తేదీ వరకు అందుబాటులో వుంటుంది. తిరుగు ప్రయాణంలో 82854 నంబరు గల సువిధ ప్రత్యేక రైలు ప్రతి మంగళ, గురు, ఆదివారాల్లో (వారానికి మూడు రోజులు) రాత్రి 8.30 గంటలకు విల్లుపురంలో బయలుదేరి మర్నాడు మధ్యాహ్నం 3.15 గంటలకు విశాఖ చేరుతుంది. ఈ రైల్‌ నవంబరు 15వ తేదీ వరకు అందుబాటులో వుంటుంది.

ఈ సర్వీసులు దువ్వాడ, తుని, సామర్లకోట, రాజమండ్రి, ఏలూరు, తెనాలి, ఒంగోలు, నెల్లూరు, గూడూరు, సూలూర్‌పేట, చెన్నై ఎగ్మోర్‌, తంబరం, చెంగల్‌పట్టు మీదుగా రాకపోకలు సాగిస్తాయి. 08189 నంబరు గల ప్రత్యేక రైలు అక్టోబరు 7, 14, 21, 28, నవంబర్‌ 4, 11వ తేదీల్లో (ప్రతి శుక్రవారం) మధ్యాహ్నం 1.00 గంటలకు టాటానగర్‌లో బయలుదేరి మర్నాడు ఉదయం 5.25 గంటలకు విశాఖ చేరుతుంది. తిరుగు ప్రయాణంలో 08190 నంబరు గల ప్రత్యేక రైలు అక్టోబర్‌ 8, 15, 22, 29, నవంబరు 5, 12వ తేదీల్లో (ప్రతి శనివారం) సాయంత్రం 5.45 గంటలకు విశాఖలో బయలుదేరి మర్నాడు ఉదయం 10.45 గంటలకు టాటానగర్‌ చేరుతుంది.

ఈ సర్వీసులు విజయనగరం, శ్రీకాకుళం రోడ్డు, పలాస, బరంపూర్‌, కుర్ధారోడ్‌, భువనేశ్వర్‌, కటక్‌, జకాపుర, సుకిందా రోడ్డు, హరిచందన్‌పూర్‌, కెంజుహర్‌, నయగర, బన్సాపాని, డంగాపాసి, చైబస, రాజ్‌కర్సవాన్‌ మీదుగా రాకపోకలు సాగిస్తాయి. 82851 నంబరు గల సువిధ ప్రత్యేక రైలు ప్రతి సోమవారం రాత్రి 10.55 గంటలకు విశాఖలో బయలుదేరి మర్నాడు మధ్యాహ్నం 1.25 గంటలకు తిరుపతి చేరుతుంది. ఇది అక్టోబర్‌ మూడు నుంచి నవంబరు 14వ తేదీ వరకు అందుబాటులో వుంటుంది. తిరుగు ప్రయాణంలో 82852 నంబరు గల సువిధ ప్రత్యేక రైలు ప్రతి మంగళవారం మధ్యాహ్నం 3.30 గంటలకు తిరుపతిలో బయలుదేరి మర్నాడు ఉదయం 6.50 గంటలకు విశాఖ చేరుతుంది.

ఈ రైల్‌ అక్టోబరు పది నుంచి నవంబరు 15వ తేదీ వరకు అందుబాటులో వుంటుంది. ఈ సర్వీసులు దువ్వాడ, అనకాపల్లి, సామర్లకోట, రాజమండ్రి, ఏలూరు, విజయవాడ, న్యూ గుంటూరు, తెనాలి, ఒంగోలు, నెల్లూరు, గూడూరు, శ్రీ కాళహస్తి, రేణుగుంట మీదుగా రాకపోకలు సాగిస్తాయి. 08501 నంబరు ప్రత్యేక ఎక్స్‌ప్రెస్‌ రైలు ప్రతి మంగళవారం రాత్రి 11.00 గంటలకు విశాఖలో బయలుదేరి మర్నాడు మధ్యాహ్నం 12.00 గంటలకు సికింద్రాబాద్‌ చేరుతుంది. ఈ రైలు అక్టోబర్‌ నాలుగు నుంచి నవంబరు 15వ తేదీ వరకు అందుబాటులో వుంటుంది.

తిరుగు ప్రయాణంలో 08502 నంబరు గల రైలు ప్రతి బుధవారం సాయంత్రం 4.30 గంటలకు సికింద్రాబాద్‌లో బయలుదేరి మర్నాడు ఉదయం 4.50 గంటలకు విశాఖ చేరుతుంది. ఈ రైలు అక్టోబరు ఐదు నుంచి నవంబరు 16వ తేదీ వరకు అందుబాటులో వుంటుంది. ఈ సర్వీసులు దువ్వాడ, అనకాపల్లి, తుని, సామర్లకోట, రాజమండ్రి, తాడేపల్లిగూడెం, ఏలూరు, విజయవాడ, ఖమ్మం, వరంగల్‌, కాజీపేట మీదుగా రాకపోకలు సాగిస్తాయి. 82831 నంబరు గల సువిధ ప్రత్యేక రైలు ప్రతి బుధవారం ఉదయం 11.00 గంటలకు సంబల్‌పూర్‌లో బయలుదేరి అదేరోజు రాత్రి 7.00 గంటలకు విశాఖ చేరుతుంది. తిరిగి ఇక్కడ నుంచి 7.20 గంటలకు బయలుదేరి మర్నాడు (గురువారం) సాయంత్రం 4.40 గంటలకు యశ్వంత్‌పూర్‌ చేరుతుంది. ఈ రైలు అక్టోబరు ఐదు నుంచి డిసెంబరు 28వ తేదీ వరకు అందుబాటులో వుంటుంది.

తిరుగు ప్రయాణంలో 82832 నంబరు గల సువిధ ప్రత్యేక రైలు ప్రతి శుక్రవారం ఉదయం 00.30 (గురువారం అర్ధరాత్రి 12.30) గంటలకు యశ్వంత్‌పూర్‌లో బయలుదేరి అదే రోజు (శుక్రవారం) రాత్రి 8.35 గంటలకు విశాఖ చేరుతుంది. తిరిగి ఇక్కడ నుంచి 8.55 గంటలకు బయలుదేరి మర్నాడు (శనివారం) ఉదయం 4.30 గంటలకు సంబల్‌పూర్‌ చేరుతుంది. ఈ రైలు అక్టోబరు ఏడు నుంచి డిసెంబరు 30వ తేదీ వరకు అందుబాటులో వుంటుంది. ఈ సర్వీసులు బరగ్‌రోడ్‌, బలంగీర్‌, టిట్లాగర్‌, కెసింగ, విశాఖ, విజయవాడ, గూడూరు, రేణుగుంట, కట్పాడి, జోలార్‌పెట్టాయ్‌, కృష్ణరాజపురం మీదుగా రాకపోకలు సాగిస్తాయి.

07438 నంబరు గల రైలు ప్రతి సోమవారం మధ్యాహ్నం 1.00 గంటలకు కాచీగూడలో బయలుదేరి మర్నాడు ఉదయం 1.30 గంటలకు విశాఖ చేరుకుని తిరిగి 1.50 బయలుదేరి అదే రోజు (మంగళవారం) రాత్రి 7.45 గంటలకు టాటానగర్‌ చేరుతుంది. ఈ రైలు నవంబరు 14వ తేదీ వరకు అందుబాటులో వుంటుంది. తిరుగు ప్రయాణంలో 07439 నంబరు గల రైలు ప్రతి మంగళవారం రాత్రి 10.50 గంటలకు టాటానగర్‌లో బయలుదేరి మర్నాడు మధ్యాహ్నం 2.50 గంటలకు విశాఖ చేరుతుంది. తిరిగి ఇక్కడ నుంచి 3.30 గంటలకు బయలుదేరి మర్నాడు (గురువారం) ఉదయం 5.00 గంటలకు కాచీగూడ చేరుతుంది. ఈ రైలు నవంబరు 17వ తేదీ వరకు అందుబాటులో వుంటుంది.

ఈ సర్వీసులు ఒకసెకెండ్‌ ఏసీ, రెండు థర్డ్‌ ఏసీ, ఏడు స్లీపర్‌, ఆరు జనరల్‌ సెకండ్‌ క్లాసు, రెండు సెకెండ్‌ క్లాసు లగేజి కమ్‌ బ్రేక్‌ వ్యాన్‌ కోచ్‌లతో రాకపోకలు సాగిస్తాయి. 06010 నంబరు గల రైలు ప్రతి శనివారం రాత్రి 7.15 గంటలకు పుదుచ్చేరిలో బయలుదేరి మర్నాడు మధ్యాహ్నం 1.43 గంటలకు దువ్వాడ చేరి తిరిగి 1.45 గంటలకు బయలుదేరి మర్నాడు (సోమవారం) ఉదయం 4.30 గంటలకు సంత్రాగచ్చి చేరుతుంది. ఈ రైలు నవంబరు 12వ తేదీ వరకు అందుబాటులో వుంటుంది.

తిరుగు ప్రయాణంలో 06009 నంబరు గల రైలు ప్రతి సోమవారం మధ్యాహ్నం 2.10 గంటలకు సంత్రాగచ్చిలో బయలుదేరి మర్నాడు ఉదయం 3.55 గంటలకు దువ్వాడ చేరి తిరిగి 3.57 గంటలకు బయలుదేరి అదేరోజు రాత్రి 8.15 గంటలకు పుదుచ్ఛేరి చేరుతుంది. ఈ సర్వీసులు విజయనగరం, శ్రీకాకుళం రోడ్‌, పలాస, బరంపూర్‌, కుర్ధారోడ్‌, భువనేశ్వర్‌, కటక్‌, బద్రక్‌ మీదుగా రాకపోకలు సాగిస్తాయి. 02849 నంబరు గల ఏసీ ప్రత్యేక రైలు ఈనెల 5,12,19,26 నవంబరు 2,9 తేదీల్లో (ప్రతి బుధవారం) రాత్రి 11.50 గంటలకు సంత్రాగచ్చిలో బయలుదేరి మర్నాడు మధ్నాహ్నం 2.15 గంటలకు విజయనగరం చేరి తిరిగి 2.30 గంటలకు బయలుదేరి మర్నాడు ఉదయం (శుక్రవారం) 4.30 గంటలకు సికింద్రాబాద్‌ చేరుతుంది.

తిరుగు ప్రయాణంలో 02850 నంబరు గల ఏసీ ప్రత్యేక రైలు ఈ నెల 7,14,21,28, నవంబరు 4,11 తేదీల్లో (ప్రతి శుక్రవారం) ఉదయం 6.30 గంటలకు సికింద్రాబాద్‌లో బయలుదేరి అదేరోజు రాత్రి 9.15 గంటలకు విజయనగరం చేరి తిరిగి అక్కడ నుంచి 9.30 గంటలకు బయలుదేరి మర్నాడు (శనివారం) ఉదయం 10.25 గంటలకు సంత్రాగచ్చి చేరుతుంది. ఈ సర్వీసులు మూడు సెకెండ్‌ ఏసీ, ఎనిమిది థర్డ్‌ ఏసీ కోచ్‌లతో ఖర్గపూర్‌, బాలాసూర్‌, బద్రక్‌, కటక్‌, భువనేశ్వర్‌, కుర్ధారోడ్‌, బరంపూర్‌, పలాస, శ్రీకాకుళం, విజయనగరం, దువ్వాడ, అనకాపల్లి, సామర్లకోట, రాజమండ్రి, ఏలూరు, విజయవాడ, ఖమ్మం, వరంగల్‌, కాజీపేట మీదుగా రాకపోకలు సాగిస్తాయి.

కష్టపడి పనిచేసే వారికి పార్టీలో గుర్తింపు: ప్రత్తిపాటి
గుంటూరు, అక్టోబబర్ 4 (న్యూస్‌టైమ్): కష్టపడి పనిచేసే వారికి పార్టీలో గుర్తింపు లభిస్తుందని మంత్రి ప్రత్తిపాటి పుల్లారావు తెలిపారు. గుంటూరు మిర్చి యార్డు చైర్మన్‌ మన్నవ సుబ్బారావు మైనార్టీ ఫైనాన్స్‌ కార్పొరేషన్‌ చైర్మన్‌ ఎండి హిదాయత్‌ మంగళవారం చిలకలూరిపేటలో మంత్రి ప్రత్తిపాటిని కలిసి కృతజ్ఞతలు తెలిపారు. ఈ సందర్భంగా మంత్రి మాట్లాడుతూ పదవుల ద్వారా ప్రభుత్వం పేదలకు సహాయం చేసే అవకాశాన్ని కల్పించిందని దానిని సద్వినియోగం చేసుకోవాలని వారికి సూచించారు. మంత్రిని కలిసినవారిలో మైనార్టీ ఫైనాన్స్‌ కార్పొరేషన్‌ డైరెక్టర్‌ లాల్‌ వజీర్‌, మిర్చియార్డు డైరెక్టర్‌ రమారత్నం, హస్తకళలు విభాగం డైరెక్టర్‌ హర్షవర్ధన్‌, టిడిపి జిల్లా కార్యవర్గ సభ్యుడు, తదితరులు ఉన్నారు.