అమరావతి, అక్టోబర్ 12 (న్యూస్‌టైమ్): దేశంలోని అనేక సామాజిక రుగ్మతల నిర్మూలనకు, ఎన్నికల్లో ధన ప్రభావం తగ్గించేందుకు నల్లధనం నిర్మూలనపై కొన్ని సూచనలు చేనూ ప్రధానమంత్రి నరేంద్రమోడీకి రాష్ట్ర ప్రభుత్వం తరపున ఆంధ్రప్రదేశ్ ముఖ్యమంత్రి నారా చంద్రబాబునాయుడు బుధవారం లేఖరాశారు. వాలంటరీ డిస్క్లోజర్ విధానంలో చాలావరకు నల్లధనం చెలికి తీయగలిగినా మరిన్ని సూచనలు చేశామన్నారు. ప్రధానంగా రూ.500, రూ.1000 నోట్లను రదు చేయడం, నగదు రహిత లావాదేవీలు, ఆన్‌లైన్ పేమెంటు వంటివి మరింత ప్రోత్సహించడం సహా పలు సూచనలు ఆ లేఖలో చేసినటు ముఖ్యమంత్రి బుధవారం తన కార్యాలయంలో నిర్వహించిన మీడియా సమావేశంలో వెల్లడించారు.

ప్రజాజీవితంలో ఉన్న నాయకులు జీవనాధారం కోసం రాజకీయాలపై ఆధారపడ వద్దని చంద్రబాబునాయుడు హితవుపలికారు. తాము, తమ కుటుంబం రాజకీయాలను జీవనాధారంగా ఎంచుకోలేదని, తమ ఆర్ధిక అవసరాలకోసం హెరిటేజ్ సంస్థను స్థాపించామన్నారు. తమ కుటుంబ సభ్యులు ఆ సంస్థను నిర్వహిస్తూ దానిపై ఆదాయాన్ని పొందుతున్నారన్నారు. రాజకీయాలు ఆదాయవనరుగా భావించడం వల్లే కొంతమంది అవినీతికి పాల్పడుతున్నారని, ఇటువంటి పోకడలను నియంత్రించేందుకు నగదు చాలామణి విధానంలో సాంకేతికతను జోడించి, ఆన్‌లైన్ చెల్లింపులు అమల్లోకి తేవాల్సిన అవసరముందన్నారు. నీతి నిజాయితీలతో కూడిన ఆదాయ వనరులను పొందడం అందరికి మంచిదన్నారు.

రాష్ట్రానికి ప్రత్యేక హెలాదా కల్పించడంలో ఏఏ అంశాలు ఇమిడి ఉన్నాయో అవగాహన లేకుండా కేవలం ప్రత్యేక హెరాదా మాత్రమే కావాలనడం వితండవాదంగా ముఖ్యమంత్రి పేర్కొన్నారు. ప్రత్యేక హెరాదాకు బదులు ప్యాకేజీని కేంద్ర ప్రభుత్వం ప్రకటించినందున దానిని తీసుకోవడం అనివార్యమైందన్నారు. విద్యార్ధులు, యువత మనస్సులలో లేనిపోని అపోహలు కల్పించడం సరికాదన్నారు. రాజకీయపరమైన కారణాలతో అన్యాయంగా రాష్ట్రాన్ని విభజించిన తీరు ప్రతి ఒక్కరిలో అవమానాన్ని మిగిల్చిందన్నారు.

కష్టపడి తెలివితేటలతో రాష్ట్రానికి జరిగిన అన్యాయాన్ని సవరించుతున్నామన్నారు. రాజధాని నిర్మాణంపై సైతం ఆటంకాలు కలిగించడం సరికాదన్నారు. సమావేశంలో ఆర్ధికశాఖ మంత్రి యనమల రామకృష్ణుడు, ప్రభుత్వ ప్రధానకార్యదర్శి ఎస్.పి. టక్కర్, డైరెక్టర్ జనరల్ ఆఫ్ పోలీస్ నండూరు సాంబశివరావు, ముఖ్యమంత్రి కార్యదర్శి సాయిప్రసాద్, ప్రభుత్వ సలహాదారు సి.కుటుంబరావు, సమాచారశాఖ అదనపు సంచాలకులు డి.శ్రీనివాస్ తదితరులు పాల్గొన్నారు.