గురుదేవ చారిటబుల్‌ ట్రస్ట్‌, పారా స్పోర్ట్స్‌ అసోసియేషన్‌ ఆఫ్‌ ఆంధ్రప్రదేశ్‌ సంయుక్తంగా నిర్వహిస్తున్న రాష్ట్ర స్థాయి పారా ఒలంపిక్స్‌కు ఆంధ్రవిశ్వవిద్యాలయం నుంచి విద్యార్థులు తరలి వెళ్లారు. ఏయూ వీసీ ఆచార్య జి.నాగేశ్వరరావు ర్యాలీని జెండా ఊపి ప్రారంభించారు. ఈ సందర్భంగా ఆయన మాట్లాడుతూ యువతకు అన్ని రంగాలలో తీర్చిదిద్దడానికి కృషిచేస్తున్నామన్నారు.

దివ్యాంగులను సాధారణ విద్యార్థులతో సమానంగా తీర్చిదిద్దడం జరుగుతుందన్నారు. వీరిని ప్రోత్సహిస్తూ, అంతర్గతంగా ఉన్న శక్తిని వెలికి తీసే విధంగా పారా ఒలంపిక్స్‌ నిలుస్తాయన్నారు. కార్యక్రమంలో వర్సిటీ రిజిస్ట్రార్‌ ఆచార్య వి.ఉమా మహేశ్వరరావు, న్యాయమూర్తి నాగసుందరం తదితరులు పాల్గొన్నారు.

ఏయూ పరిపాలనా భవనం నుంచి ఇంజనీరింగ్‌ కళాశాల మైదానం వదరకు విద్యార్థులు భారీ జాతీయ పతాకాన్ని పట్టుకుని ర్యాలీగా తరళి వెళ్లారు. ఇంజనీరింగ్‌ కళాశాల మైదానంలో పోలీస్‌ కమీషనర్‌ టి.యోగానంద్‌ హాజరై క్రీడలను ప్రారంభించారు. కార్యక్రమంలో గురుదేవ చారిటబుల్‌ ట్రస్ట్‌ నిర్వాహకులు ఆర్‌.జగదీష్‌ బాబు, క్రీడా విభాగాధిపతి విజయమోహన్‌, పల్లవి తదితరులు పాల్గొన్నారు.