ప్రేమలో పడకుండా ఉండాలంటే ఈ టిప్స్‌ ఫాలో అవ్వండి!
ప్రస్తుతం ఆధునికత పేరుతో యువత చాటింగ్‌, డేటింగ్‌ అంటూ యమ స్పీడ్‌లో ఉన్నారు. ఫేస్‌బుక్‌, ట్విట్టర్ల పుణ్యమా అంటూ యువత స్నేహ వలయం కాస్త బ్రాడ్‌గా పెరిగిపోతోంది. ఈ ఫ్రెండ్‌షిపే మెల్లమెల్లగా ప్రేమగా మారిపోతోంది. ఆ తర్వాత ఆ ప్రేమ చిరస్థారుగా ఉండటం డౌట్‌గానే మిగిలిపోతోంది. ఈ నేపథ్యంలో పెళ్ళికి ముందు ప్రేమలో పడకుండా ఉండాలంటే ఈ టిప్స్‌ పాటిస్తే సరిపోతోందని మానసిక నిపుణులు అంటున్నారు. మీ దృష్టిని మరల్చండి. ప్రేమను ఎక్స్‌ప్రెస్‌ చేసే వ్యక్తికి మీ మనస్సును కంట్రోల్‌ చేసే అవకాశం ఇవ్వకండి. అతని ఆలోచనలను మీలో రానీయకుండా చూసుకోండి. ఆ ఆలోచనలకు బ్రేక్‌ వేయాలంటే కెరీర్‌, చదువుల పట్ల దృష్టి మరల్చండి.
ప్రేమను ఎక్స్‌ప్రెస్‌ చేసిన వ్యక్తితో మరీ ఎక్కువగా స్నేహం చేయకండి. అటువంటి వ్యక్తులతో మీరు కొంచెం దూరంగా ఉంటూ, వారిని దూరం పెట్టండి. మరీ ముఖ్యంగా లేట్‌ నైట్‌ మెసేజ్‌లు లేదా ఫోన్‌ కాల్స్‌తో మీ వ్యక్తిగత విషయాలను పంచుకోవడం నివారించండి. మనలో ప్రతి ఒక్కరిలో ఏదో ఒక లోపాలుంటారు. మిమ్మల్ని ఎవరైనా ప్రేమించడానికి ప్రయత్నిస్తున్నా, ప్రేమను వ్యక్తపరిచినా, మీకు ఇష్టం లేకపోతే వారిలోని లోపాలను వెతికి చెప్పండి. ఇతరుల పట్ల ఆకర్షితులు కాకండి. అందంగా ఫన్నీగా కనిపిస్తే వెంటనే వారి ప్రేమలో పడిపోకండి.
ఇంకా ప్రేమను నిరాకరించాలంటే మీకు నచ్చిన వ్యక్తుల పట్ల దృష్టి మళ్ళించండి. ఇలా చిన్న చిన్న టిప్స్‌ పాటిస్తేనే మీకు ఇష్టం లేని వారిని ప్రేమించకుండా ఎస్కేప్‌ కావొచ్చునని సైకాలజిస్టులు చెబుతున్నారు. మరోవైపు, పాశ్చాత్య మోజు, సామాజిక వెబ్‌సైట్ల ప్రభావంతో ప్రస్తుతం నమస్కారం పెట్టడం మర్చిపోయాం. బుగ్గపై ముద్దు, హై ఫైవ్‌, షేక్‌ హ్యాండ్‌, హగ్‌ వంటి వాటికి అలవాటు పడిపోయాం. అరుతే వీటి వల్ల బంధం బలపడే సంగతి పక్కనబెడితే అనారోగ్యాలు రావడం ఖాయమని అంటున్నారు బ్రిటిష్‌ పరిశోధకులు. బ్రిటన్‌లోని అబెరిస్ట్విత్‌ యూనివర్సిటీ చేసిన పరిశోధనలో కొత్త పలకరింపుల కారణంగా కోలై వంటి బాక్టీరియా వ్యాపిస్తోందని గుర్తించినట్టు పరిశోధకులు వెల్లడించారు.
బుగ్గపై ముద్దు పెట్టుకోవడం, కౌగిలించుకోవడం ద్వారా ఒకరి శరీరం నుంచి మరొకరి శరీరంలోకి భారీ సంఖ్యలో బాక్టీరియా ప్రవేశిస్తుందని పరిశోధనలో తేలింది. హైఫైవ్‌, షేక్‌ హ్యాండ్‌, పిడికిలి (బంప్‌) గుద్దడం ద్వారా అరచేతుల్లోని బాక్టీరియా చేరుతుందని పరిశోధకులు తెలిపారు. వీటన్నింటికి బదులు ఫుల్‌ హ్యాండ్స్‌ షర్టు వేసుకుని మోచేతులు తాటించుకుంటే సరిపోతుందని పరిశోధకులు సూచిస్తున్నారు. అందుకే అన్నీ గమనించిన మన పూర్వీకులు నమస్కారం కనిపెట్టి సంస్కృతిలో భాగం చేశారు. నమస్కారం పెడితే ఎవరి బాక్టీరియా వారి వద్దే ఉంటుంది. ఇతరులకు పాకే ప్రసక్తే లేదు.
