ప్రేమికుల రోజు లేదా సెయింట్‌ వాలెంటైన్స్‌ డే అనేది ఫిబ్రవరి 14న ప్రపంచవ్యాప్తంగా అనేక మంది జరుపుకునే సెలవుదినం. ఆంగ్ల భాష మాట్లాడే దేశాల్లో, వాలెంటైన్స్‌ కార్డులు పంపడం, పువ్వులు బహూకరించడం లేదా మిఠాయిలు ఇవ్వడం ద్వారా ప్రేమికులు ఒకరికిఒకరు ఈ రోజున ప్రేమను వ్యక్తపరుచుకోవడం సంప్రదాయంగా వస్తోంది. అసంఖ్యాక క్రైస్తవ మృతవీరుల్లో (మతం కోసం బలిఇవ్వబడిన వ్యక్తులు) ఇద్దరికి వాలెంటైన్‌ అనే పేరు ఉండటంతో ఈ సెలవుదినానికి కూడా ఇదే పేరు చేర్చబడింది. మధ్యయుగ కాలానికి చెందిన జెఫ్రే చౌసెర్‌ రచనల కారణంగా శృంగార ప్రేమతో ఈ రోజుకు అనుబంధం ఏర్పడింది, ఈ కాలంలోనే నాగరిక ప్రేమ సంప్రదాయం కూడా వృద్ధి చెందింది. వాలెంటైన్స్‌ రూపంలో ప్రేమ సందేశాలను పరస్పరం ఇచ్చిపుచ్చుకోవడంతో ఈ రోజుకు మరింత అనుబంధం ఉంది. హృదయాకృతులు, పావురాలు, విల్లు, బాణం ధరించిన రెక్కలున్న క్యుపిడ్‌ (గ్రీకుల ప్రేమ దేవత పేరు, మన్మథుడు) బొమ్మలు ఆధునిక కాలంలో వాలెంటైన్‌ గుర్తులయ్యాయి. 19వ శతాబ్దం నుంచి, చేతితోరాసిన సందేశాలు ఇచ్చే సంప్రదాయం భారీ స్థాయిలో గ్రీటింగ్‌ కార్డ్‌ల తయారీకి మార్గం చూపింది. గ్రేట్‌ బ్రిటన్‌లో పందొమ్మిదొవ శతాబ్దంలో వాలెంటైన్‌లను (ప్రేమ కానుకలను) పంపడం నాగరికమైంది, 1847లో ఈస్టర్‌ హౌలాండ్‌ అనే మహిళ మాసాచుసెట్స్‌లోని వర్సెస్టెర్‌లో ఉన్న తన ఇంటిలో బ్రిటీష్‌ నమూనాల్లో చేతితో వాలెంటైన్‌ కార్డులను తయారు చేసి విజయవంతమైన వ్యాపారాన్ని అభివృద్ధి పరిచారు. 19వ శతాబ్దపు అమెరికాలో వాలెంటైన్‌ కార్డులు బాగా ప్రాచుర్యం పొందాయి, ఈ దేశంలో ఇప్పుడు ఎక్కువ వాలెంటైన్‌ కార్డులు ప్రేమ ప్రకటనలతో కాకుండా సాధారణ గ్రీటింగ్‌ కార్డులుగా తయారవుతున్నాయి, అమెరికా సంయుక్త రాష్ట్రాల్లో మిగిలిన సెలవుదినాలను వ్యాపారాత్మకం చేసేందుకు ఇది భవిష్య సూచకమైంది. వ్యాపారాత్మక సెలవుదినాల్లో ఒకదానిగా ఇది పరిగణించబడుతోంది. ఈ రోజున ప్రపంచవ్యాప్తంగా ఒక బిలియన్‌ వాలెంటైన్‌ కార్డులు పంపబడుతున్నట్లు యూఎస్‌ గ్రీటింగ్‌ కార్డుల సంఘం అంచనా వేసింది, ఏడాదిలో క్రిస్మస్‌ తరువాత కార్డులు ఎక్కువగా పంపబడే రోజుగా వాలెంటైన్స్‌ డే గుర్తింపు పొందింది. అమెరికా సంయుక్త రాష్ట్రాల్లో ఈ రోజున మహిళల కంటే పురుషులు సగటున రెండు రెట్లు ఎక్కువ ఖర్చు చేస్తున్నట్లు సంఘం అంచనా వేసింది. అసంఖ్యాక క్రైస్తవ మృతవీరుల్లో చాలా మందికి వాలెంటైన్‌ అనే పేరు ఉంది. 1969 వరకు, కాథలిక్‌ చర్చి అధికారికంగా 11 వాలెంటైన్‌ డేలను గుర్తించింది. ఫిబ్రవరి 14న గౌరవించబడే వాలెంటైన్‌లు రోమ్‌కు చెందిన వాలెంటైన్‌, టెర్నీకి చెందిన వాలెంటైన్‌ పురాతన రోమ్‌ నగరంలో పూజారిగా పనిచేసే రోమ్‌ వాలెంటైన్‌ 269 సమయంలో మతాచారాల కోసం బలిఇవ్వబడ్డాడు, అతడిని వయా ఫ్లామినియాలో సమాధి చేశారు. రోమ్‌లోని సెయింట్‌ ప్రాక్సెడ్‌ చర్చిలో ఐర్లాండ్‌లోని డబ్లిన్‌లో ఉన్న వైట్‌ఫ్రియర్‌ స్ట్రీట్‌ కార్మెలైట్‌ చర్చిలో అతని పునరావశేషాలు చూడవచ్చు. 197 ప్రాంతంలో ఇంటెరమ్నా (ఆధునిక టెర్నీ) క్రైస్తవ మతపెద్ద అయిన టెర్నీ వాలెంటైన్‌ ఆరేలియన్‌ చక్రవర్తి మతోన్మాదానికి బలైనట్లు చెప్పబడుతోంది. అతడిని కూడా వయా ఫ్లామినియాలోనే సమాధి చేశారు, అయితే అతని అంత్యక్రియలు రోమ్‌ వాలెంటైన్‌ను సమాధి చేసిన ప్రదేశంలో జరగలేదు. అతని పునరావశేషాలను టెర్నీలోని సెయింట్‌ వాలెంటైన్‌ బసిలికాలో చూడవచ్చు. కాథలిక్‌ విజ్ఞాన సర్వస్వంలో ఫిబ్రవరి 14కు సంబంధించిన మృతవీరుల జాబితాలో వాలెంటైన్‌ పేరుతో మూడో సెయింట్‌ ప్రస్తావన కూడా ఉంది. మూడో వ్యక్తి, అనేక మంది అతని సహచరులతోపాటు ఆఫ్రికాలో మతాచారాల కోసం బలి ఇవ్వబడ్డాడు, అతని గురించి ఇతర వివరాలేవీ తెలియలేదు. వాస్తవానికి ప్రారంభ మధ్యయుగానికి చెందిన ఈ మృతవీరుల ఆత్మకథల్లో ఎవరికీ, ఎటువంటి ప్రేమసంబంధమైన అంశాలతో సంబంధం లేదు. పద్నాలుగొవ శతాబ్దంలో సెయింట్‌ వాలెంటైన్‌కు ప్రేమ సంబంధ అంశాలతో ముడిపెట్టబడిన సమయానికి రోమ్‌ వాలెంటైన్‌ మరియు టెర్నీ వాలెంటైన్‌ మధ్య విలక్షణతలు మరుగునపడ్డాయి. సెయింట్‌ వాలెంటైన్‌కు సంబంధించి పురాతన జ్ఞాపకాలు ఉండటంతో, అతని జ్ఞాపకంగా జరుగుతున్న సెలవుదినాన్ని జరుపుకోవడంపై నిర్ణయాన్ని ప్రాంతీయ క్యాలెండర్‌లకు వదిలిపెట్టారు, అతని పేరు, అతను వయా ఫ్లామినియాలో ఫిబ్రవరి 14న సమాధి చేయబడినట్లు మాత్రమే వివరాలు తెలుస్తున్నాయి, దీనికి మించి అతనికి సంబంధించిన ఇతర వివరాలేవీ తెలియవు కనుక 1969లో రోమన్‌ కాథలిక్‌ సెయింట్స్‌ క్యాలెండర్‌ పునఃపరిశీలన సందర్భంగా, ఫిబ్రవరి 14న సెయింట్‌ వాలెంటైన్‌ విందురోజును సాధారణ రోమన్‌ క్యాలెండర్‌ల నుంచి తొలగించారు, దీనిని (స్థానిక లేదా జాతీయ) క్యాలెండర్‌ల ఇష్టానికి వదిలిపెట్టారు. సెయింట్‌ పునరావశేషాలను గుర్తించిన బల్జాన్‌లో (మాల్టా) ప్రపంచవ్యాప్తంగా పాత, వాటికన్‌ 2 కాలానికి ముందు క్యాలెండర్‌ను పాటించే సంప్రదాయవాద కాథలిక్‌లు ఈ విందురోజును ఇప్పటికీ జరుపుకుంటున్నారు. సెయింట్‌ వాలెంటైన్‌తోపాటు ప్రారంభ మధ్యయుగానికి సంబంధించిన ఆక్టా (ప్రసిద్ధవ్యక్తుల వివరాలు)ను బెడే సంగ్రహించి కొంతమేర ప్రస్తావించారు. ఈ నమూనా ప్రకారం, సెయింట్‌ వాలెంటైన్‌ క్రైస్తవుడిగా పీడించబడ్డట్లు ఉంది, రోమన్‌ చక్రవర్తి క్లాడియస్‌ 2 అతడిని స్వయంగా విచారించినట్లు చెప్పబడుతోంది. వాలెంటైన్‌ విషయంలో మంత్రముగ్ధుడైన క్లాడియస్‌ ఉరిశిక్ష ఎదుర్కోవడానికి బదులుగా అతడిని రోమన్‌ బహుదేవతారాధన స్వీకరించాలని కోరాడు. వాలెంటైన్‌ అందుకు నిరాకరించడంతోపాటు, క్లాడియస్‌ చేత క్రైస్తవ మతం స్వీకరింపజేసేందుకు ప్రయత్నించాడు. ఈ కారణంగా, వాలెంటైన్‌ ఉరి తీయబడ్డాడు. వాలెంటైన్‌ ఉరిశిక్ష ఎదుర్కోవడానికి ముందు, అతని చెరశాలాధిపతి కుమార్తెకు అంధత్వం పోగొట్టి అద్భుతం చేసినట్లు చెప్పబడింది. గోల్డెన్‌ లెజెండ్‌ పేరుతో సెయింట్‌లు, ఇతర లౌకిక, ప్రసిద్ధ వ్యక్తుల ఆత్మకథలు ఉండే రచన ఇప్పటికీ వాలెంటైన్‌కు ప్రేమ భావాలతో గల సంబంధం గురించి ఎటువంటి ఆధారాలను అందజేయడం లేదు, పూజారి అయిన వాలెంటైన్‌ను వర్ణించేందుకు ఆధునిక రోజుల్లో కాల్పనిక విజ్ఞానంతో ఒక అల్లికను సృష్టించారు, ఆ రోజుల్లో రోమ్‌ చక్రవర్తి క్లాడియస్‌ 2 యువకులను వివాహితులు కాకుండా అడ్డుకునే ఉద్దేశంతో జారీ చేసిన అంగీకారయోగ్యం కాని చట్టాన్ని వాలెంటైన్‌ వ్యతిరేకించినట్లు చెబుతున్నారు. వివాహితులు మంచి సైనికులు కాలేరని భావించిన చక్రవర్తి తన సైన్యాన్ని పెంచుకునేందుకు ఈ చట్టాన్ని తీసుకొచ్చినట్లు చెబుతారు. అయితే వాలెంటైన్‌ యువకులకు రహస్యంగా వివాహాలు జరిపించాడు. ఇది క్లాడియస్‌కు తెలిసిపోవడంతో, అతను వాలెంటైన్‌ను చెరశాల పాలు చేశాడు. తనను ఉరితీసే ముందురోజు సాయంత్రం వాలెంటైన్‌ తాను ప్రేమించిన చెరశాలాధికారి కుమార్తె చిరునామాకు తొలిసారి ప్రేమసందేశం పంపినట్లు ది గోల్డెన్‌ లెజెండ్‌కు అమెరికన్‌ గ్రీటింగ్స్‌, ఇంక్‌ అందజేసిన ఒక అలంకారంలో పదేపదే ప్రస్తావించబడింది, కారాగారంలో ఉన్న సమయంలో వాలెంటైన్‌ చెరశాలాధికారి కుమార్తెతో స్నేహం చేయడంతోపాటు, ఆమె అంధత్వాన్ని పోగొట్టినట్లు పేర్కొంది. ఆమెకు పంపిన సందేశంలో ఫ్రమ్‌ యువర్‌ వాలెంటైన్‌ అని ఉన్నట్లు చెబుతున్నారు. సరిగా వివరాలు తెలియని గ్రీక్‌-రోమన్‌ ఫిబ్రవరి సెలవుదినాలను ప్రజనన శక్తికి, సెయింట్‌ వాలెంటైన్స్‌ డేను ప్రేమకు ముడిపెడుతూ ప్రసిద్ధ ఆధునిక వ్యక్తులు కల్పనలను సృష్టించినప్పటికీ, కాన్సాస్‌ విశ్వవిద్యాలయ అధ్యాపకుడు జాక్‌ ఓరుచ్‌ మాత్రం చౌసెర్‌ కాలానికి ముందు వాలెంటైనస్‌ పేరు గల సెయింట్‌లకు, శృంగార ప్రేమకు మధ్య ఎటువంటి సంబంధం లేదని వాదించారు. పురాతన ఏథేన్స్‌ క్యాలెండర్‌లో జనవరి నెల మధ్య నుంచి ఫిబ్రవరి మధ్యకాలం వరకు గామెలియన్‌ నెలగా ఉండేది, జ్యూస్‌ మరియు హెరాల పవిత్ర వివాహానికి ఈ నెల అంకితం చేయబడింది. పురాతన రోమ్‌లో, లూపెర్కాలియాను ఫిబ్రవరి 13 నుంచి 15 వరకు జరుపుకునేవారు, ఇది ప్రజనన శక్తికి సంబంధించిన పురాతన కర్మగా పరిగణించబడేది. రోమ్‌ నగరంలో లూపెర్కాలియా ఒక స్థానిక వేడుకగా ఉండేది. ఇంకా సాధారణంగా జూనౌ ఫెబ్రువా వేడుకను ఫిబ్రవరి 13-14 తేదీల్లో జరుపుకునేవారు, జూనౌ ఫెబ్రువా అంటే జూనౌ (వివాహాన్ని రక్షించే ఒలింపియా దేవతల రాణి) ది ఫ్యూరిఫైయర్‌ (శుద్ధికారి) లేదా పరిశుద్ధ జూనౌ అని అర్థం. పోప్‌ గెలాసియస్‌ 2 (492-496) లూపెర్కాలియాను రద్దు చేశారు. అన్యమత లూపెర్కాలియా వేడుకలను క్రైస్తవీకరణ చేసే ప్రయత్నాల్లో భాగంగా ఫిబ్రవరి మధ్యలో వాలెంటైన్‌ విందు రోజును జరుపుకోవాలని క్రైస్తవ చర్చి నిర్ణయించినట్లు సాధారణ అభిప్రాయం ఏర్పడింది, దేవుడికి మాత్రమే తెలిసిన కర్మలను ఆచరించినవారు, ప్రజల్లో పూజ్యభావం ఉన్న వ్యక్తుల కోసం 496లో పోప్‌ గెలాసియస్‌ 1 సంస్మరణ విందును ఏర్పాటు చేశారు, వీరిలో వాలెంటైన్‌కు గుర్తుగా ఈ సెలవుదినం ఆచరించబడుతోంది. ప్రత్యామ్నాయంగా, ప్రజల్లో బలంగా వేళ్లూనుకొని ఉన్న లూపెర్కాలియా వేడుకను తొలగించడం కాథలిక్‌ చర్చికి సాధ్యపడలేదు, అందువలన చర్చి కన్య మేరీ గౌరవసూచకంగా ఈ రోజును కేటాయించినట్లు విలియం ఎం. గ్రీన్‌ వాదించారు. జెఫ్రే చౌసెర్‌ రాసిన పార్లమెంట్‌ ఆఫ్‌ పౌల్స్‌ (1382)లో శృంగార ప్రేమతో వాలెంటైన్స్‌ డేకు తొలిసారి అనుబంధం ఏర్పరిచినట్లు, ఇది తప్పుడు అర్థవివరణ ఫలితమని కొందరు వాదిస్తున్నారు. ఇంగ్లండ్‌ రాజు రిచర్డ్‌ 2, బహేమియాకు చెందిన అన్నేల నిశ్చితార్థం జరిగి ఏడాది పూర్తయిన సందర్భాన్ని పురస్కరించుకొని గౌరవసూచకంగా ఈ కవిత రాయబడింది. వీరి వివాహానికి సంబంధించిన ఒప్పందంపై మే 2, 1381లో సంతకం చేశారు. (దీనికి ఎనిమిది నెలల ముందు వారు వివాహం చేసుకున్నారు, అతనికి ఆ సమయంలో వయస్సు 13 లేదా 14 కాగా, ఆమె వయస్సు 14.) చౌసెర్‌ ఫిబ్రవరి 14ను వాలెంటైన్స్‌ డేగా సూచిస్తున్నట్లు పాఠకులు సులభంగా ఊహించగలిగారు; అయితే, ఫిబ్రవరి మధ్యకాలం ఇంగ్లండ్‌లో పక్షులు దగ్గరయ్యే సమయం కాదు. లిటుర్జికల్‌ క్యాలెండర్‌ ప్రకారం, జెనోవా వాలెంటైన్‌ సెయింట్స్‌ డేగా మే 2ను పరిగణిస్తున్నట్లు హెన్రీ అస్గర్‌ కెల్లీ ప్రస్తావించారు. ఈ సెయింట్‌ వాలెంటైన్‌ జెనోవా బిషప్‌గా పనిచేశారు, ఆయన 307 సమయంలో మరణించారు. చౌసెర్‌ పార్లమెంట్‌ ఆఫ్‌ పౌల్స్‌ ఒక కాల్పనిక పురాతన సంప్రదాయాన్ని ప్రస్తావించింది, అయితే వాస్తవానికి చౌసెర్‌కు ముందు ఇటువంటి సంప్రదాయమేదీ లేదు. ప్రబల విశ్వాసాలను చారిత్రాత్మక వాస్తవంగా పరిచయం చేయడంతోపాటు, వాటి ఊహాజనిత వివరణ, మూలాలు పద్దెనిమిదో శతాబ్దపు పురాతన వృత్తాంతాల్లో, ముఖ్యంగా బట్లెర్స్‌ లైవ్స్‌ ఆఫ్‌ సెయింట్స్‌ రచయిత అల్బాన్‌ బట్లెర్‌ సంగ్రహాల్లో ఉన్నాయి, వీటిని ప్రసిద్ధ ఆధునిక పరిశోధకులు కూడా శాశ్వతీకరించారు. ముఖ్యంగా, రోమన్‌ లూపెర్కాలియా జరుపుకునే ప్రజలు కూడా వాలెంటైన్స్‌ డే సంప్రదాయాలను సులభంగా అంగీకరించడంతోపాటు, వాటిని ఇప్పటివరకు వివిధ రూపాల్లో కొనసాగించారు నాగరిక ప్రేమ సంప్రదాయాలకు న్యాయస్థానాల భాషను ఉపయోగించి, ప్యారిస్‌లో 1400వ సంవత్సరపు ప్రేమికుల రోజున ఒక హైకోర్ట్‌ ఆఫ్‌ లవ్‌ను ఏర్పాటు చేశారు. ఈ న్యాయస్థానం ప్రేమ సంబంధాలు, మోసాలు మరియు మహిళలపై హింస కేసులను విచారిస్తుంది. కవితలు చదవడాన్ని ప్రాతిపదికగా చేసుకొని మహిళలు ఈ కోర్టు న్యాయమూర్తులను ఎంపిక చేస్తారు. తొలిసారి ప్రాణాలు దక్కించుకున్న వాలెంటైన్‌ పదిహేనోవ శతాబ్దంలో ఓర్లెన్స్‌ సేనాధిపతి చార్లెస్‌, ఆయన తన ప్రేయసి భార్యకు రాండౌ (ఒకరకమైన ఫ్రెంచ్‌ కవిత) పంపారు, ఈ పద్ధతి తదనంతరకాలంలో వ్యాప్తి చెందింది. సొంతంగా కవితలు రాయడం తెలియని యువ ప్రేమికుల కోసం అనేక భావ కవితలు కలిగిన ది యంగ్‌ మ్యాన్స్‌ వాలెంటైన్‌ రైటర్‌ను 1797లో ఒక బ్రిటన్‌ ప్రచురుణకర్త విడుదల చేశారు. అప్పటికే యాంత్రిక వాలెంటైన్‌లు పేరుతో పిలిచే కవితలు, రేఖాచిత్రాలు కలిగిన కార్డులను పరిమిత సంఖ్యలో ఉత్పత్తి చేయడం ముద్రణకర్తలు ప్రారంభించారు, తరువాతి శతాబ్దంలో పోస్టల్‌ ఛార్జీలు తగ్గడంతో, వాలెంటైన్‌లను పోస్ట్‌ ద్వారా పంపడం బాగా వాడుకలోకి వచ్చింది. కాలక్రమంలో, గుర్తుతెలియకుండా కార్డులు ఇచ్చిపుచ్చుకోవడం ప్రారంభమైంది, విక్టోరియా శకంలో ఒక్కసారిగా మాధుర్యమైన కవితలు ప్రత్యక్షమవడానికి ఇది కారణమైంది. 1800 ప్రారంభంలో ఇంగ్లండ్‌లో కాగితపు వాలెంటైన్‌లకు ఎంతో ఆదరణ ఏర్పడింది, వాలెంటైన్‌లను కర్మాగారాల్లో తయారు చేయడం కూడా ప్రారంభించారు. నిజమైన లేస్‌లు, రిబ్బన్లు, కాగితపు లేస్‌లతో తయారు చేసిన ఫ్యాన్సీ వాలెంటైన్‌లు 1800 మధ్యకాలంలో పరిచయమయ్యాయి. 1840లో సెయింట్‌ వాలెంటైన్స్‌ డే పునఃసృష్టిని లీగ్‌ ఎరిక్‌ ష్మిత్‌ గుర్తించాడు. గ్రాహమ్స్‌ అమెరికన్‌ మంథ్లీలో ఒక రచయితగా 1849లో, సెయింట్‌ వాలెంటైన్స్‌ డే జాతీయ సెలవుదినంగా మారినట్లు ప్రస్తావించాడు. వర్సెస్టెర్‌, మాసాచుసెట్స్‌కు చెందిన ఈస్టర్‌ హౌలాండ్‌ (1828-1904) 1847 తరువాత అమెరికా సంయుక్త రాష్ట్రాల్లో తొలిసారి కాగితపు లేస్‌లతో రూపొందించిన వాలెంటైన్‌లను భారీస్థాయిలో తయారు చేసి, విక్రయించింది. ఆమె తండ్రి ఒక పెద్ద పుస్తక, కాగితపు స్టోర్‌ను నిర్వహించేవాడు, అయితే హౌలాండ్‌ మాత్రం తనకు ఒక ఆంగ్ల ప్రేమికుడు పంపిన కానుక నుంచి స్ఫూర్తి పొందింది, దీనినిబట్టి ఉత్తర అమెరికాలో ప్రాచుర్యం పొందే సమయానికి ముందు నుంచే వాలెంటైన్స్‌ కార్డులు పంపే సంప్రదాయం ఇంగ్లండ్‌లో ఉండేదనే విషయం స్పష్టమవుతుంది. ఇంగ్లండ్‌లో వాలెంటైన్స్‌ కార్డులు పంపే సంప్రదాయం ఎలిజబెత్‌ గాస్కెల్‌ హారిసన్స్‌ కన్ఫెషన్స్‌ (1851లో ప్రచురితమైంది)లో కనిపిస్తుంది. 2001 నుంచి, గ్రీటింగ్‌ కార్డుల సంఘం వార్షిక గ్రీటింగ్‌ కార్డ్‌ విజినరీకి సంబంధించి ఈస్టర్‌ హౌలాండ్‌ అవార్డును అందజేస్తోంది. యూఎస్‌ గ్రీటింగ్‌ కార్డుల సంఘం ప్రపంచవ్యాప్తంగా ప్రతి ఏటా సుమారు ఒక బిలియన్‌ వాలెంటైన్‌లు పంపబడుతున్నట్లు అంచనా వేసింది, దీంతో క్రిస్మస్‌ తరువాత ఏడాదిలో ఎక్కువగా గ్రీటింగ్‌ కార్డులు పంపే సెలవుదినం ప్రేమికుల రోజు అయింది. అమెరికా సంయుక్త రాష్ట్రాల్లో, మహిళల కంటే పురుషులు దీని కోసం రెట్టింపు వ్యయం చేస్తున్నట్లు సంఘం అంచనా వేసింది. 19వ శతాబ్దం నుంచి, చేతితోరాసిన సందేశాలు భారీ సంఖ్యలో ఉత్పత్తి చేయబడుతున్న గ్రీటింగ్‌ కార్డులకు మార్గం చూపాయి. పందొమ్మిదో శతాబ్దం మధ్యకాలపు వాలెంటైన్స్‌ డే వ్యాపారం అమెరికా సంయుక్త రాష్ట్రాల్లో మిగతా సెలవుదినాలను వ్యాపారాత్మకం చేసేందుకు దోహదపడింది. 20వ శతాబ్దం రెండో అర్ధ భాగంలో, అమెరికా సంయుక్త రాష్ట్రాల్లో అన్ని రకాల కానుకలు అందజేయడానికి, సాధారణంగా పురుషుల నుంచి మహిళలకు, కార్డులు ఇచ్చిపుచ్చుకోవడం సంప్రదాయమైంది. ఇటువంటి కానుకలను గులాబీలు, చాక్లెట్‌లతో కలిపి ఎరుపు వస్త్రంతో తయారు చేయబడిన హృదయాకారపు పెట్టలో ఉంచి ఇచ్చేవారు. 1980వ దశకంలో, వజ్రాల పరిశ్రమ కానుకలుగా ఆభరణాలను ఇచ్చే సందర్భంగా కూడా ప్రేమికుల రోజును ప్రోత్సహించడం ప్రారంభించింది. ఈ రోజున హ్యాపీ వాలెంటైన్స్‌ డే అనే సాధారణ అలైంగిక అభినందన తెలియజేయడం కూడా సంప్రదాయంగా మారింది. సింగిల్స్‌ అవేర్‌నెస్‌ డేగా వాలెంటైన్స్‌ డేను సూచిస్తూ ఒక హాస్యోక్తి వాడుకలో ఉంది. ఉత్తర అమెరికాలోని కొన్ని ప్రాథమిక పాఠశాలల్లో, పిల్లలు ఈ రోజున తరగతి గదులను అలంకరించడం, కార్డులు పంచుకొని మిఠాయిలు తినే సంప్రదాయాన్ని ఆచరిస్తున్నారు. ఈ గ్రీటింగ్‌ కార్డుల్లో విద్యార్థులు ఒకరిలోఒకరికి నచ్చే అంశాలను ప్రస్తావిస్తుంటారు. సహస్రాబ్దం మారుతున్న సమయంలో ఇంటర్నెట్‌ ప్రాధాన్యత బాగా పెరిగిపోవడంతో, కొత్త సంప్రదాయాలు సృష్టించబడుతున్నాయి. సహస్రాబ్ది ప్రజలు ప్రతి ఏటా ఈ-కార్డులు, లవ్‌ కూపన్‌లు లేదా ముద్రించదగిన గ్రీటింగ్‌ కార్డుల రూపంలో ప్రేమికుల రోజు శుభాకాంక్షలు తెలిపే సందేశాలను పంపుతున్నారు.