ఒక ఔషధ కంపెనీ వారి ప్రాడక్ట్‌ ను తాను ఎండార్స్‌ చేస్తున్నట్టు ఫేక్‌ ప్రకటనలను ఇస్తోందని తన ఫిర్యాదులో క్రికెట్‌ దిగ్గజం సచిన్‌ టెండూల్కర్‌ పేర్కొన్నాడు. సచిన్‌ పేరు, ఫొటో, వాయిస్‌ ను ఆయన అనుమతి లేకుండానే వాడుకున్న ఫేక్‌ యాడ్స్‌కు సంబంధించి గుర్తు తెలియని వ్యక్తులపై ముంబై పోలీసులు కేసు నమోదు చేశారు. ఈ వ్యవహారానికి సంబంధించి ముంబైలోని వెస్ట్‌ రీజియన్‌ సైబర్‌ పోలీస్‌ స్టేషన్‌లో సచిన్‌ ఫిర్యాదు చేశాడు.ఈ నేపథ్యంలో గుర్తు తెలియని వ్యక్తులపై ఐపీసీ 420 (చీటింగ్‌), 465 (ఫోర్జరీ), 500 (పరువు నష్టం)లతో పాటు ఐటీ యాక్ట్‌ కింద పోలీసులు కేసు నమోదు చేశారు. ఫేక్‌ యాడ్‌పై పోలీసులు దర్యాప్తు ప్రారంభించారు.