నోట్ల రద్దుకు మందు రూ. 30 వేలకుపైగా ఉన్న ధర ప్రస్తుతం 27,200కు చేరినప్పటికీ కొనేవారు కరవయ్యారని బులియన్మార్కెట్గణాంకాలు వెల్లడిస్తున్నాయి. సమీప భవిష్యత్తులో, ముఖ్యంగా రాబోయే రెండు నెలల్లో బంగారం ధరలు మరింత తగ్గే అవకాశం ఉన్నప్పటికీ కొనుగోళ్లు ఆశించినంత సంతృప్తికరంగా ఉండబోవని బిలియన్‌ మార్కెట్‌ వర్గాలు అంచనా వేస్తున్నాయి.

తదుపరి సెషన్లలో 10 గ్రాముల ఆభరణాల బంగారం ధర రూ. 26,700 వరకు చేరవచ్చని ఇదే సమయంలో చేతిలో నగదు లేకపోవడం, ఆన్‌లైన్‌ కొనుగోళ్లపై అవగాహన లేమి కారణంగా అమ్మకాలు తగ్గనున్నాయని నిపుణులు వ్యాఖ్యానించారు. ఖరీఫ్‌ సీజన్‌ పూర్తయిన ప్రస్తుత తరుణంలో, రైతుల వద్ద నగదు చేరకపోవడంతో వివాహానికి, శుభకార్యాలున్నా, అమ్మకకాలు సాగడం లేదని పేర్కొంటున్నారు.

డబ్బు ఉన్నపటికీ, రోజువారి ఖర్చులకు అవసరమయ్యే నగదు లభ్యత లేకపోవడం, బ్యాంకుల్లో క్యూలైన్లు,రకరకాల ఇతర భయాలతో కొనుగోలుకు రావడం లేదని తెలుస్తోది. ఇక అమెరికాలో ఫెడరల్‌ బ్యాంకు వడ్డీ ధరల మార్పు నిర్ణయం కారణంగా కూడా ధరలు దిగివస్తున్నాయి. ఆభరణాల బంగారం ధర 22 నుంచి 23 వేల రూపాయల వరకు చేరవచ్చని ఓ హోల్‌సెల్‌ వ్యాపారి అంచనా వేశారు.

ఆ స్థాయికి ధరలు దిగిజారినా, అమ్మకాలు ఉపందుకునే అవకాశం కనిపించం లేదని అన్నారు. అదే సమయంలో చిన్న చిన్న కొనుగోళ్లు పెరగవచ్చని భావిస్తున్నట్టు తెలిపారు. కాగా మంగళవారం నాటి సెషన్లో బంగారం ధర 10 గ్రాములకు క్రితం ముగింపుతో పోలిస్తే రూ.141 తగ్గి రూ. 27,119 ఫిబ్రవరి 3 డెలివరీకు చేరగా, వెండి ధర రూ. 216 తగ్గి రూ. 39,217 వద్ద కొనసాగుతోంది.