జూనియర్ ఎన్టీఆర్‌ నటించిన ‘జనత గ్యారేజ్‌’ చిత్రం గత గురువారం ప్రేక్షకుల ముందుకు వచ్చిన విషయం తెల్సిందే. భారీ స్థాయిలో అంచనాలున్న ‘జనతా గ్యారేజ్‌’కు తెలుగులో మిశ్రమ స్పందన వచ్చింది. అయినా కూడా మొదటి రోజు భారీ వసూళ్లను రాబట్టింది. ఇక ఈ చిత్రంలో మలయాళ సూపర్‌ స్టార్‌ మోహన్‌లాల్‌ నటించడంతో కేరళలో కూడా ఈ సినిమాను భారీ స్థాయిలో విడుదల చేయడం జరిగింది. సినిమా ప్రారంభం నుండి కూడా కేరళలో ఈ సినిమాకు భారీగానే ప్రచారం చేయడం జరిగింది.

భారీ ప్రచారం చేయడంతో మంచి ఓపెనింగ్స్‌ను ఈ చిత్రం అక్కడ కూడా దక్కించుకుంది. మలయాళంలో ఒక డబ్బింగ్‌ సినిమా మొదటి రోజు అత్యధికంగా ఇప్పటి వరకు 74 లక్షలు వసూళ్లు సాధించింది. యోధావు సినిమా ఇప్పటి వరకు ఆ రికార్డును తన ఖాతాలో ఉంచుకుంది. ఇప్పుడు ఆ రికార్డు ‘జనతా గ్యారేజ్‌’ పేరుతో నమోదు అయ్యింది. మలయాళంలో అత్యధికంగా మొదటి రోజు వసూళ్లు రాబట్టిన డబ్బింగ్‌ చిత్రంగా ‘జనతా గ్యారేజ్‌’ నిలిచింది అంటూ డబ్బింగ్‌ రైట్స్‌ దక్కించుకున్న మలయాళ నిర్మాతలు అంటున్నారు.

మోహన్‌లాల్‌ ఉండటం వల్ల ఈ సినిమాకు ఈ స్థాయిలో ఓపెనింగ్స్‌ వచ్చినట్లుగా చెబుతున్నారు. ఒక డైరెక్ట్‌ సినిమా స్థాయిలో ఈ సినిమా వసూళ్లు సాధించింది. ఇక లాంగ్‌ రన్‌లో కూడా ఈ సినిమా తప్పకుండా మోహన్‌లాల్‌ పుణ్యాన భారీ వసూళ్లు రాబట్టడం ఖాయం అని నిర్మాతలు అంటున్నారు.