టాలీవుడ్ ఫిల్మ్ ఇండస్ట్రీలో వరుస అవకాశాలను అందుకుంటున్న సమయంలో చాలా మంది హీరోయిన్స్ చాలా తెలివిగా ప్రవర్తిస్తుంటారు. అదే సమయంలో వారు ఇతర ఫిల్మ్ ఇండస్ట్రీలోనూ అవకాశాలను వెతుక్కొని, ఏదైనా భారీ ఆఫర్స్ వస్తే ఇక తెలుగు ఫిల్మ్ ఇండస్ట్రీవైపే చూడరు. అలాంటి వారిలో స్టార్ హీరోయిన్స్ ఎందరో ఉన్నారు. ఇప్పుడు ఆ లిస్ట్‌లోకి పూజా హెగ్డే కూడా జాయిన్ అయ్యారు. ప్రస్తుతం ఫిల్మ్ ఇండస్ట్రీలో పూజా హెగ్డేకి సంబంధించిన న్యూస్ హాట్ హాట్‌గా వినిపిస్తుంది. సరైనోడు వంటి హిట్ మూవీ తరువాత అల్లు అర్జున్ చేస్తున్న చిత్రం డీజే-దువ్వాడ జగన్నాథం. హరీష్ శంకర్ దర్శకత్వంలో వస్తున్న ఈ చిత్రం తాజాగా ప్రారంభోత్సవ కార్యక్రమాలను జరుపుకుంది.

ఇక ఈ మూవీలో హీరోయిన్‌గా ఎవరిని తీసుకోవాలి అన్న దానిపై పలు రకాల చర్ఛలు జరుగుతున్నాయి. ఆ సమయంలో హీరోయిన్ పూజా హెగ్డే ఈ విషయాన్ని తెలుసుకొని మెగాహీరో అల్లు అర్జున్‌కి తెగ ఫోన్స్ చేసిందట. తన కోరికని కచ్ఛితంగా కన్ఫర్మ్ చేయాల్సిందే అన్నట్టుగా ఈ బ్యూటీ పట్టుబట్టింది. దీంతో పూజా హెగ్డేతో ఆడిషన్స్‌ని కండెక్ట్ చేసేందేకు మెగాహీరో అల్లు అర్జున్ ప్రయత్నాలు చేశాడు. దాదాపు డీజే మూవీలో పూజా హెగ్డే హీరోయిన్‌గా కన్ఫర్మ్ అంటూ చిత్ర యూనిట్ నుండి టాక్స్ వినిపిస్తున్నాయి. బాలీవుడ్ తాజా పిల్మ్ మొహంజోదారో చిత్రంలో నటించిన పూజా హెగ్డే అంటే తెలుగులో మంచి మార్కెట్ ఉంటుందని, అలాగే ఈ బ్యూటిని హీరోయిన్‌గా పెట్టుకుంటే హిందీ రైట్స్‌కి సైతం మంచి డిమాండ్ ఉంటుందని చిత్ర యూనిట్ ఆలోచిస్తుంది. దర్శకుడు సైతం పూజా హెగ్డే‌ని హీరోయిన్‌గా తీసుకునేందుకు ఆసక్తి చూపుతున్నాడు. త్వరలోనే ఈ విషయంపై కన్ఫర్మేషన్ ఉండనుందని అంటున్నారు.