ప్రస్తుతం టాలీవుడ్ ఫిల్మ్ ఇండస్ట్రీలో ప్రతిష్టాత్మకంగా తెరకెక్కుతున్న మూవీలలో బాహుబలి2 ఒకటి. బాహుబలి ఎంతటి ప్రభంజనాన్ని క్రియేట్ చేసిందో అందరికీ తెలిసిందే. అదే విధంగా బాహుబలి 2 సైతం అంతకు మించి సక్సెస్‌ని అందుకునేందుకు అన్ని విధాలుగా సిద్ధంగా అవుతుంది. తాజాగా దర్శకధీరుడు రాజమౌళి బాహుబలి 2కి సంబంధించిన ఫస్ట్‌ లుక్ రిలీజ్‌తో ప్రేక్షకుల్లో సందడి క్రియేట్ చేస్తున్నాడు. అలాగే ఈ మూవీని ముంబై ఇంటర్నేషనల్ ఫిల్మ్ ఫెస్టివల్‌లో భాగంగా ఫస్ట్‌ లుక్, మేకింగ్ వీడియోలను విడుదల చేస్తూ రాజమౌళి టీమ్ బిటౌన్‌లో హల్ చల్ చేస్తుంది.

బాహుబలి సినిమాతో ఇండియన్ సినిమాలో ఓ సెన్సేషన్‌గా మారిపోయిన రాజమౌళి, ఇప్పుడు బాహుబలి2తో తన స్టార్డంని మరింత పెంచుకోవాలని చూస్తున్నాడు. అయితే ముంబై ఇంటర్నేషనల్ ఫిల్మ్ ఫెస్టివల్‌లో బాహుబలి టీంకి అరుధైన గౌరవం దక్కటానికి వెనుక బాలీవుడ్ స్టార్ డైరెక్టర్, అలాగే ప్రొడ్యూసర్ అయిన కరణ్ జోహార్ ఉన్నారు. ఇక కరణ్ జోహార్‌ని మినహాయిస్తే ఈ బాహుబలి టీంకి ముంబై ఇంటర్నేషనల్ ఫిల్మ్ ఇండస్ట్రీలో తగిన స్థానం దక్కే ఛాన్స్ లేదని అంటున్నారు. బాహుబలి మూవీకి కరణ్ జోమార్ బాలీవుడ్ రైట్స్ తీసుకోవటంతో ఈ మూవీని అంతటి హైప్ క్రియేట్ అయింది. లేదంటే బాహుబలి మూవీ కేవలం రీజనల్‌కి మాత్రమే పరిమితం కావాల్సి ఉంటుంది.

ఇప్పటికే బాహుబలి 2కి సంబంధించిన ప్రమోషన్స్‌ని ఇంటర్నేషనల్ ఫిల్మ్ ఫెస్టివల్‌లో చేసుకుంటున్నారంటే అది కరణ్ జోహార్‌ని గుర్తించి ఇచ్చింది తప్ప అంతకు మించిన మరొక ప్రత్యేకత అక్కడ లేదని బిటౌన్‌లోని కొందరు బాహాటంగానే మాట్లాడుకుంటున్నారని అంటున్నారు. మొత్తంగా అక్కడ ఈ బాహుబలి టీంకి కరణ్ జోహార్‌తోనే గుర్తింపు అన్న విధంగా ఉందని అంటున్నారు. ఇక బాహుబలి 2 ఏప్రిల్‌లో విడుదల కానుంది. 75 సంవత్సరాలుగా తెలుగు ఫిల్మ్ ఇండస్ట్రీ మార్కెట్ కేవలం రీజనల్ మార్కెట్‌గా మాత్రమే స్థిరపడిపోయింది.

తెలుగు చిత్రాలను బాలీవుడ్, కోలీవుడ్ ఫిల్మ్ ఇండస్ట్రీలలో మార్కెట్ చేసుకునే దిశగా ఇండస్ట్రీకి చెందిన నిర్మాతలు, హీరోలు ఏనాడు పెద్దగా ప్రయత్నాలు చేయలేదు. కానీ ఈ మధ్య కాలంలో తెలుగు నుండి వస్తున్న చిత్రాలు ఇతర ఫిల్మ్ ఇండస్ట్రీలోనూ భారీ బిజినెస్‌ని చేసుకుంటున్నాయి. ముఖ్యంగా బాలీవుడ్ వంటి చిత్రం తెలుగు సినిమా ఇండస్ట్రీ రూపు రేఖలు మార్చేసింది. ఇప్పుడు బాహుబలి సినిమా మార్కెట్ ఒక్క సౌత్ మార్కెట్‌ని మాత్రమేకాకుండా ఇంటర్నేషనల్ బిజినెస్‌గా మారింది.

బాహుబలి సినిమా రైట్స్ కోసం ప్రపంపవ్యాప్తంగా భారీ డిమాండ్ పెరుగుతుంది. ఇంతటి సక్సెస్ చిత్రాన్ని తెరకెక్కిన రాజమౌళికి ప్రస్తుతం తెలుగు ఇండస్ట్రీ అంటే చిన్న చూపు ఏర్పడిందా? అనే టాక్స్ ఏర్పడుతున్నాయి. బాహుబలి ప్రభంజనం తరువాత రాజమౌళి చూపు అంతా బాహుబలి 2పై పడింది. బాహుబలి-2ని ఇంటర్నేషనల్ మూవీగా మార్చాలని రాజమౌళి ఆలోచనలను చేస్తున్నాడు. అందుకే బాహుబలి-2 మూవీకి సంబంధించిన ప్రతి ప్రమోషన్‌ని బాలీవుడ్ ఇండస్ట్రీ వేదికగా రిలీజ్ చేయాలని చూస్తున్నాడు.

గతంలో బాహుబలి మూవీ ప్రమోషన్స్ ని టాలీవుడ్ వేధికగా చేసుకొని రిలీజ్ చేశాడు. ఇప్పుడు మాత్రం బాహుబలి-2 ప్రతి పాత్ర ఫస్ట్ లుక్స్ అన్నీ బాలీవుడ్ వేదికగా రిలీజ్ చేయటానికి ప్లాన్ చేస్తున్నాడు. హీరో ప్రభాస్ పుట్టినరోజు సందర్భంగా ముంబై ఫిల్మ్ ఫెస్టివల్‌లో విడుదల చేశారు. అలాగే బాహుబలి-2కి సంబంధించిన ఇతర ప్రమోషన్స్ అన్నింటికి బాలీవుడ్ ఇండస్ట్రీ వేదిక కానుందని అంటున్నారు. దీంతో టాలీవుడ్ ఫిల్మ్ ఇండస్ట్రీని రాజమౌళి లెక్కలోని తీసుకోలేదని అంటున్నారు.