నైనిటాల్‌: ఉత్తరాఖండ్‌ అసెంబ్లీ ఎన్నికల్లో ఉపయోగించిన ఎలక్ట్రానిక్‌ ఓటింగ్‌ యంత్రాల(ఈవీఎంలు)ను జ్యుడిషియల్‌ కస్టడీలోకి తీసుకోవాలని ఆ రాష్ట్ర హైకోర్టు ఆదేశించింది. ఈ మేరకు ఈవీఎంలు ట్యాంపర్‌ అయ్యాయంటూ కాంగ్రెస్‌ నేతలు దాఖలు చేసిన పిటిషన్‌పై విచారణ చేపట్టిన న్యాయస్థానం పైవిధంగా ఆదేశాలు జారీ చేసింది.

ఫిబ్రవరిలో జరిగిన ఉత్తరాఖండ్‌ అసెంబ్లీ ఎన్నికల్లో భాజపా విజయం సాధించిన విషయం తెలిసిందే. అయితే ఆ ఎన్నికల్లో ఉపయోగించిన ఈవీఎంలను ట్యాంపర్‌ చేశారంటూ కాంగ్రెస్‌ నేతలు ఆరోపించారు. ఈవీఎంలలో ఏ బటన్‌ నొక్కినా అది భాజపాకే వెళ్తుందని విమర్శించారు.ఈ విషయంపై ఉత్తరాఖండ్‌ హైకోర్టులో పిటిషన్‌ దాఖలు చేయగా.. నేడు విచారణ చేపట్టారు. కాగా.. ఈవీఎంలపై కాంగ్రెస్‌తో పాటు.. ఆమ్‌ఆద్మీ, బహుజన్‌ సమాజ్‌వాదీ పార్టీ కూడా ఆరోపణలు చేస్తున్న విషయం తెలిసిందే.