కారణాలు పూర్తిగా తెలియలేదు: కమిషనర్‌

బస్సు అదుపుతప్పడానికి గల కారణాలు తెలియలేదని పోలీసు కమిషనర్‌ యోగానంద్‌ సంఘటన స్థలంలో పేర్కొన్నారు. ప్రమాద వార్త తెలియగానే సిపి హుటాహటిన ఘటనాస్థలికి విచ్చేశారు. పరిస్థితులను పరిశీలించారు. క్షతగాత్రుల వైద్య సేవలపైనా ఆయన ఆరా తీశారు.

తప్పిన పెను ప్రమాదం..:ప్రమాద ఘటనకు సమీపంలోని ఒక హోటల్‌లో ఆదివారం రాత్రి జరిగిన ఒక వేడుకకు ఇదే బస్సులో విద్యార్థులను తీసుకువచ్చారు. కార్యక్రమం పూర్తిఅయ్యే సమయంలో తిరిగి విద్యార్థులను తరలించేందుకు బస్సును సిద్ధం చేసే ప్రయత్నంలోనే బస్సు అదుపు తప్పినట్లుగా భావిస్తున్నారు. ఈ కారణంగానే పాఠశాల బస్సులో డ్రైవర్‌ ఒక్కరే ఉన్నాడు. లేకుంటే ప్రమాద తీవ్రత మరింతగా ఉండేది.