బాబు పనితీరుపై నివేదిక – భవిష్యత్‌ కార్యాచరణపై సలహాలు

అమరావతి, ఫీచర్స్‌ ఇండియా: సీక్రెట్‌ రిపోర్టుల తో మాజీ ఎంపీ లగడపాటి రాజగోపాల్‌ మళ్లీ సీన్‌లోకి వచ్చారు. ఇటీీవల ఆయన సచివాల యంలో సీఎం చంద్రబాబును కలవడం చర్చకు, ఊహాగానాలకు తావిచ్చింది. చంద్రబాబు చెవిలో లగడపాటి ఏదో ఊదినట్లు ప్రచారం సాగు తోంది. కాగా. తన భేటీలో రాజకీయ ప్రాధాన్యత లేదని, కేవలం వ్యాపార కార్యకలాపాల నిమిత్తమే తాను చంద్రబాబును కలిశానని లగడపాటి చెప్పుకొస్తున్నారు. టిడిపి నేతల అభిభాష్యం కూడా అదే. అయితే, ఆయన తాజా రాజకీయ పరిస్థితులపై చంద్రబాబుకు పూర్తి నివేదిక ఇచ్చారనే ప్రచారం సాగుతోంది.

ఏపీలో తాజా రాజకీయ పరిస్థితులపై చంద్ర బాబుకు లగడపాటి ఓ నివేదిక ఇచ్చారని తెలు స్తోంది. ఏపీ ప్రజల్లో చంద్రబాబుపై సానుకూలత ఉందని, 65 శాతం మంది ప్రభుత్వం పట్ల సానుకూలంగా ఉన్నారని లగడపాటి చెప్పారని తెలుస్తోంది. అదే సమయంలో ఆయా నియోజక వర్గాల్లో ఎమ్మెల్యేల తీరుపై 65 శాతం మంది ప్రజలు తీవ్ర అసంతప్తితో ఉన్నారని చెప్పారట.

రాష్ట్ర విభజన అనంతరం చంద్రబాబు మాత్రమే నవ్యాంధ్రను అభివద్ధి పట్టాలు ఎక్కించగలరని ప్రజలు నమ్మి ఆయనకు పట్టం కట్టారని ఈ సందర్భంగా లగడపాటి గుర్తు చేసినట్లు తెలుస్తోంది. 2014లో చంద్రబాబును చూసి ప్రజలు ఓటేశారని, కానీ 2019లో మాత్రం చంద్రబాబుతో పాటు ఎమ్మెల్యేలను కూడా చూసి ఓటేస్తారని చంద్రబాబును లగడపాటి హెచ్చరిం చారని తెలుస్తోంది. ఎమ్మెల్యేల తీరు ఇలాగే ఉంటే టిడిపికి మైనస్‌ అవుతుందని చెప్పారం టున్నారు. చెడ్డపేరు ఉన్న ఎమ్మెల్యేలను మార్చి వేయాలని కూడా సూచించారని తెలుస్తోంది.

2019లో మళ్లీ టిడిపి గెలవాలంటే పునర్విభజన ఓ మార్గమని లగడపాటి.. చంద్రబాబుకు సూచించారని తెలుస్తోంది. ప్రస్తుతం 175 అసెంబ్లీ స్థానాలు ఉన్నాయి. 225 స్థానాలకు పెరుగుతాయి. కేంద్రంలో టిడిపితో జతకట్టిన బీజేపీ ఉన్నందువల్ల చంద్రబాబుకు అనుకూలంగా నియోజకవర్గాల పునర్విభజన చేసుకోవచ్చునని, అది టిడిపికి సానుకూలమని, నియోజకవర్గాల పెంపు కలిసి వస్తుందని చెప్పారని తెలుస్తోంది.

అయితే ఈ వ్యతిరేకతను అనుకూలంగా మార్చు కోడానికి కూడా లగడపాటి సలహాలు ఇచ్చారని తెలుస్తోంది. చెడ్డపేరున్న ఎమ్మెల్యేలను సాగనం పేందుకు, కొత్త వారికి అవకాశం ఇచ్చేందుకు, రిజర్వేషన్లు ఉంటాయి కాబట్టి కొంతమంది అభ్యర్థులను మార్చేందుకు వీలుండటం.. ఇలా పలు కోణాల్లో ప్రజల్లో ప్రభుత్వం, ఎమ్మెల్యేల్లో ఉన్న వ్యతిరేకత తగ్గుతుందని లగడపాటి సలహా. 2009లో వైయస్‌ రాజశేఖర్‌ రెడ్డి ప్రభుత్వంపై వ్యతిరేకత ఉన్నప్పటికీ గెలుపుకు ఇది కూడా ఉపయోగపడిందని ఈ సందర్భంగా గుర్తు చేశారట.

చంద్రబాబు ప్రవేశ పెట్టిన పలు పథకాలపై ప్రజల్లో సానుకూలత ఉందని లగడపాటి చెప్పారని తెలుస్తోంది. అయితే, రుణమాఫీ విషయంలో మాత్రం రైతాంగం తీవ్ర అసంతప్తితో ఉందని ఆయన చంద్రబాబు ద ష్టికి తీసుకు వెళ్లారని తెలుస్తోంది.

రాజధాని నిర్మాణం వేగవంతం కావాలని చెప్పారని తెలుస్తోంది. తాత్కాలిక సచివాలయం, అసెంబ్లీ నిర్మాణాల పట్ల ప్రజలు సానుకూలంగా ఉన్నా.. 2019 ఎన్నికల నాటికి రాజధానికి ఓ రూపు రాకుంటే ప్రజలు అసంతప్తికి లోనవుతారని చెప్పారని తెలుస్తోంది.

తాజా రాజకీయ పరిస్థితిపై వివరిస్తూ.. ఏఏ ఎమ్మెల్యేపై వ్యతిరేకత ఉంది, ఏఏ నియోజకవర్గాల్లో ఏ ప్రజాప్రతినిధి తనయుడు లేదా బంధువులు హల్‌ చల్‌ చేస్తున్నారనే అంశాలు నివేదికలో పొందుపర్చారని తెలుస్తోంది.

ఏపీ సచివాలయంలో సీఎం చంద్రబాబును మాజీ ఎంపీ లగడపాటి కలవడం సంచలనం సష్టించిన విషయం తెలిసిందే. ఆయన ఎందుకు వచ్చారనే అంశంపై ఎన్నో ఊహాగానాలు వినిపించాయి. 2019 ఎన్నికల్లో విజయవాడ లోకసభ స్థానం నుంచి కేశినేని నానికి బదులు లగడపాటిని రంగంలోకి దించుతున్నారా అనే చర్చ సాగింది.

ఆ తర్వాత విజయవాడ ఎమ్మెల్యే బోండా ఉమా మహేశ్వర రావు దీనిపై స్పష్టత ఇచ్చారు. లగడపాటి వ్యాపారం నిమిత్తమే చంద్రబాబును కలిశారని చెప్పారు. స్వయంగా లగడపాటి బోండాకు ఫోన్‌ చేసి విషయం కూడా చెప్పారని అంటున్నారు. వ్యాపార నిమిత్తం కలిసినా.. ప్రధానంగా రిపోర్ట్‌ గురించి కలిశారనేది తాజా వాదన. ఇదివరలో లగడపాటి నివేదికల ప్రకారం కొన్ని నిజమైన పరిస్థితులో.. తాజా రహస్య నివేదిక గురించి తెలుగుదేశం వర్గాల్లో చర్చనీయాంశమైంది.