ఐపీఎల్‌లో మలిదశ ప్రారంభ మైంది. పాయింట్ల పట్టికలో అగ్రస్థానంలో నిలిచిన తొలి రెండు జట్లు నేడు తలపడ నున్నాయి. ఈ మ్యాచ్‌ లో ఎవరు నెగ్గినా నేరుగా ఫైనల్‌ చేరను ండగా, ఒడిన జట్టు తరువాతి ఎలిమినేటర్‌ మ్యాచ్‌ విజేతతో తలపడనుంది. అందులో విజయం సాధించిన జట్టు ఫైనల్‌ కు చేరనుంది. ఈ నేపథ్యంలో నేడు ముంబైలోని వాంఖడే స్టేడియంలో తలపడే ఒక జట్టు హైదరాబాదులో మాత్రమే ఆడనుండగా, మరో జట్టు మాత్రం మరో అడ్డంకిని అధిగమించగలిగితే మాత్రమే హైదరాబాదులోని ఉప్పల్‌ స్టేడియంలో నిర్వహించనున్న ఫైనల్‌ కు చేరనుంది.

నేటి సాయంత్రం 8 గంటలకు ఐపీఎల్‌ పాయింట్ల పట్టికలో అగ్రస్థానంలో నిలిచిన ముంబై ఇండియన్స్‌ తో పూణే సూపర్‌ జెయింట్‌ తలపడనుంది.

ఈ రెండు జట్లలో విజయం సాధించిన జట్టు నేరుగా ఫైనల్‌ చేరనుండగా, ఓడిన జట్టు, సన్‌ రైజర్స్‌ హైదరాబాదు, కోల్‌ కతా నైట్‌ రైడర్స్‌ జట్ల మ్యాచ్‌ లో విజేతతో తలపడాల్సి ఉంటుంది. కాగా, పూణేకు ముంబై ఇండియన్స్‌ పై పేలవమైన రికార్డు ఉంది. సూపర్‌ స్టార్లు లేనప్పటికీ ముంబై ఇండియన్స్‌ ఈ టోర్నీలో అదుÄతేంగా రాణించగా, చడీచప్పుడు లేకుండా పూణే నాకౌట్‌ కు చేరింది. ఈ నేపథ్యంలో నేటి మ్యాచ్‌ క్రీడాభిమానులకు పసందైన క్రీడావిందు అందించనుంది.

ముగింపునకు చేరుకున్న ఐపీఎల్‌ ఈ నాలుగు జట్ల నుంచే విజేత!

ముంబై: ఈ సీజన్‌ ఐపీఎల్‌ ముగింపుకు చేరుకుంటోంది. ఒక అంచె పోటీలు ముగిశాయి. క్వాలిఫయర్‌ దశలో ముంబై ఇండియన్స్‌, రైజింగ్‌ పూణే సూపర్‌ జెయింట్స్‌, సన్‌ రైజర్స్‌ హైదరాబాదు, కోల్‌ కతా నైట్‌ రైడర్స్‌, కింగ్స్‌ ఎలెవన్‌ పంజాబ్‌, డిల్లీ డేర్‌ డెవిల్స్‌, గుజరాత్‌ లయన్స్‌, రాయల్‌ ఛాలెంజర్స్‌ బెంగళూరు జట్లు పోటీ పడ్డాయి. ఇందులో ముంబై ఇండియన్స్‌, రైజింగ్‌ పూణే సూపర్‌ జెయింట్‌, సన్‌ రైజర్స్‌ హైదరాబాదు, కోల్‌ కతా నైట్‌ రైడర్స్‌ జట్లు మలిదశ పోటీలకు అర్హత సాధించాయి.

అయితే ఈ పోటీల్లో ముంబై ఇండియన్స్‌ తో పాటు రైజింగ్‌ పూణే సూపర్‌ జెయింట్‌ తొలి మ్యాచ్‌ ఆడనుంది. ఇందులో విజేత నేరుగా ఫైనల్‌ మ్యాచ్‌ కు అర్హత సాధిస్తుంది. ఓటమిపాలైన జట్టు సన్‌ రైజర్స్‌ హైదరాబాదు, కోల్‌ కతా నైట్‌ రైడర్స్‌ జట్ల మధ్యపోరులో విజయం సాధించిన జట్టుతో ఆడుతుంది. అనంతరం ఈ మ్యాచ్‌ లో ఓటమిపాలైన జట్టు, తొలి మ్యాచ్‌ లో పరాజిత, రెండో మ్యాచ్‌ విజేత జట్ల మధ్య జరిగే మ్యాచ్‌ లో ఓటమిపాలైన జట్టుతో మూడో స్థానం కోసం ఆడుతుంది. అనంతరం చివరగా ఫైనల్‌ మ్యాచ్‌ జరుగుతుంది. ఆదివారంతో 2017 ఐపీఎల్‌ సీజన్‌ ముగిసిపోనుంది.