‘తండ్రిగా కాదు ఈ సినిమా ప్రొడ్యూసర్ గా చెబుతున్నా నా హీరో సూపర్’ అని తన కొడుకు నాగ చైతన్యపై అక్కినేని నాగార్జున కితాబు ఇచ్చారు. ‘రారండోయ్ వేడుక చూద్దాం’ చిత్రం ఆడియో రిలీజ్ వేడుకలో ఆయన పాల్గొన్నారు. ఈ చిత్రం ఆడియో సీడీలను ఆవిష్కరించిన అనంతరం నాగార్జున మాట్లాడుతూ, ‘ఈ సినిమాలో చక్కటి పల్లెటూరి పిల్లలాగా రకుల్ ప్రీత్ సింగ్ ఓనీలు వేసుకుంటుంది. ఈ సినిమాలో ఆమె పర్ఫార్మెన్స్ చాలా బాగుంది. ఇక, కొడుకు గురించి తండ్రి ఎక్కువ పొగడకూడదు. మరి ఎలా!, ఈ సినిమాకు నేను ప్రొడ్యూసర్ ని. ప్రొడ్యూసర్ గా చెబుతున్నాను నా హీరో సూపర్. చాలా బాగా చేశాడు. మీరు, ఎలా చూడాలనుకుంటున్నారో అలా చేశాడు. ఈ సినిమా చూసిన తర్వాత కొత్త నాగచైతన్యను చూస్తారు..అతనితో ప్రేమలో పడిపోతారు. మై హీరో సూపర్..నేను శిల్పకళా వేదికలో ‘సోగ్గాడే చిన్నినాయన’ ఆడియో ఫంక్షన్ లో ఆ రోజు నేను ఏమన్నాను!..ఇప్పుడు మళ్లీ చెబుతున్నా, వస్తున్నాం..మళ్లీ కొడుతున్నాం..ఇది ఫిక్స్’ అని నాగార్జున అన్నారు.