చెన్నై తీరంలో అమెరికా, జపాన్ నౌక‌లు
21వ సారి ఈ ఈవెంట్‌ను ఆర్గ‌నైజ్ చేస్తున్నారు. కెరీర్ స్ట్ర‌యిక్ ఆపరేషన్స్, మారీటైమ్ పాట్రోల్‌, రిక‌న‌సైన్స్ ఆపరేషన్స్ లాంటి అంశాల్లో మూడు దేశాలు త‌మ అనుభ‌వాల‌ను పంచుకుంటాయి. ఇక్క‌డే స‌ర్ఫేస్‌, యాంటీ సబ్మెరైన్లు విన్యాసాలు కూడా చేస్తాయి. మెడిక‌ల్ ఆపరేషన్స్, డామేజ్ కంట్రోల్‌, ఎక్స్‌ప్లోజివ్ ఆర్డినెన్స్ డిస్‌పోజ‌ల్‌, హెలికాప్ట‌ర్ ఆపరేషన్స్ లాంటి అత్య‌వ‌స‌ర విభాగాల ప‌నుల‌ను కూడా ప‌రిశీలిస్తారు. సాధార‌ణంగా అమెరికా, భారత్ దేశాలు మ‌లబార్ సంయుక్త విన్యాసాలు నిర్వ‌హిస్తాయి. అయితే ఈ సారి జపాన్ కూడా శాశ్వ‌త స‌భ్య‌దేశంగా న‌మోదు అయ్యింది. అబ్జ‌ర్వ‌ర్‌గా ఆస్ట్రేలియా ఆస‌క్తి చూపినా ఆ దేశానికి అవ‌కాశం ఇవ్వ‌లేదు. ఇండో-ఏసియా-ప‌సిఫిక్ తీరాల్లో స‌ముద్ర భ‌ద్ర‌త ప‌ట్ల బెదిరింపులు వ‌స్తున్న నేప‌థ్యంలో మ‌లబార్ విన్యాసాలు ప్రాధాన్య‌త సంత‌రించుకున్నాయి.
