కావలసినవి
వండిన అన్నం: 6 కప్పులు, వెల్లుల్లి రెబ్బలు: 20, ఉల్లికాడల ముక్కలు: కప్పు, అల్లం రసం: 2 టేబుల్‌స్పూన్లు, కారం: టీస్పూను, చిలగడదుంపలు: నాలుగు, నూనె: 2 టేబుల్‌స్పూన్లు, ఉప్పు: రుచికి సరిపడా

తయారుచేసే విధానం
* బాణలిలో నూనె వేసి కాగాక వెల్లుల్లి ముక్కలు వేసి రంగు మారేవరకూ వేయించాలి. తరవాత చిలగడదుంప ముక్కలు, ఉప్పు వేసి ఉడికించాలి. ముక్కలు సగం ఉడికిన తరవాత కారం, అల్లం రసం వేసి పూర్తిగా ఉడకనివ్వాలి. తరవాత ఉల్లికాడల ముక్కలు వేసి బాగా కలపాలి. చివరగా ఉడికించిన అన్నం వేసి బాగా కలిపి దించాలి.

కావలసినవి
బాస్మతి బియ్యం: 2 కప్పులు, ఉల్లిపాయలు: రెండు, నూనె: 2 టేబుల్‌స్పూన్లు, పసుపు: అర టీస్పూను, దాల్చినచెక్క: ఒకటి, యాలకులు: ఆరు, జీలకర్ర: టీస్పూను, జీడిపప్పు: అరకప్పు, ఎండుద్రాక్ష: పావు కప్పు

తయారుచేసే విధానం
* విడిగా పాన్‌ తీసుకుని అందులో సరిపడా నీళ్లు పోసి మరిగాక ఉప్పు వేయాలి. బాగా బుడగలు వచ్చేవరకూ మరిగించాక పసుపు, దాల్చినచెక్క వేయాలి. ఇప్పుడు బియ్యం వేసి ఉడికించాలి. అన్నం బాగా ఉడికిన తరవాత గంజి వంపేయాలి.
* చిన్న పాన్‌లో కొద్దిగా నెయ్యి వేసి జీడిపప్పు, ఎండుద్రాక్ష వేసి వేయించి తీయాలి.
* ఉల్లిపాయలు సన్నగా పొడవుగా తరగాలి. బాణలిలో నూనె వేసి ఉల్లిముక్కలు వేసి బాగా వేయించాలి. దంచిన యాలకులు, జీలకర్ర కూడా వేసి వేగాక వేయించిన జీడిపప్పు, ఎండుద్రాక్ష వేసి కలపాలి. చివరగా ఉడికించి వార్చిన అన్నం వేసి బాగా కలిపి దించాలి.

కావలసినవి
బియ్యం: పావుకిలో, యాలకులు: నాలుగు, దాల్చినచెక్క (అంగుళం ముక్కలు): రెండు, నూనె: 2 టేబుల్‌స్పూన్లు, సెనగలు: 200గ్రా., పెరుగు: పావులీటరు, ఉప్పు: తగినంత, నల్లయాలకులు: రెండు, షాజీరా: టీస్పూను, అల్లంవెల్లుల్లి: టీస్పూను, పచ్చిమిర్చి: రెండు, పుదీనా ఆకులు: పది, పసుపు: టీస్పూను, కారం: టీస్పూను, నెయ్యి: 2 టీస్పూన్లు

తయారుచేసే విధానం
* బియ్యం అరగంట నాననివ్వాలి. సెనగలు రెండుమూడు గంటలు నానబెట్టాలి.
* బాణలిలో కాసిని నీళ్లు పోసి ఆకుపచ్చ యాలకులు, దాల్చినచెక్క ముక్కలు, లవంగాలు, నూనె, ఉప్పు వేసి మరిగించాలి. తరవాత నానబెట్టిన బియ్యం వేసి కలపాలి.
* ఓ గిన్నెలో నానబెట్టిన సెనగలు, అల్లంవెల్లుల్లి, పచ్చిమిర్చి, పుదీనా ఆకులు, పసుపు, కారం, అన్నీ వేసి బాగా కలపాలి. ఇప్పుడు మరో పాన్‌ తీసుకుని అందులో బియ్యం మిశ్రమాన్నీ దానిమీద సెనగల మిశ్రమాన్నీ పొరలు పొరలుగా వేసి ఆపైన నెయ్యి వేసి మూతపెట్టి ఉడికించి దించాలి.

కావలసినవి
బాస్మతి బియ్యం: 2 కప్పులు నీళ్లు: 8 కప్పులు, ఉప్పు: తగినంత, నూనె: టీస్పూను, క్యాప్సికమ్‌, క్యారెట్‌, బీన్స్‌, క్యాబేజీ, పుట్టగొడుగుల ముక్కలు: పావుకప్పు చొప్పున, వెల్లుల్లి: 8, కొత్తిమీర తురుము: 4 టీస్పూన్లు, సోయాసాస్‌: 2 టేబుల్‌స్పూన్లు, వినెగర్‌: 2 టీస్పూన్లు, అనాసపువ్వు: ఒకటి, నూనె: 5 టేబుల్‌స్పూన్లు, ఉల్లికాడలు: 4 టేబుల్‌స్పూన్లు, ఉప్పు: తగినంత

తయారుచేసే విధానం
* బియ్యం బాగా కడిగి ఓ అరగంటసేపు నాననిచ్చి వంపేసి పక్కన ఉంచాలి.
* విడిగా ఓ గిన్నెలో నీళ్లు పోసి ఉప్పు, నూనె వేసి మరిగించాలి. కడిగి ఉంచిన బియ్యం వేసి సిమ్‌లో మూతపెట్టకుండా ఉడికించాలి. రైస్‌ పలుకు వీడి కాస్త ఉడకగానే స్టవ్‌ ఆఫ్‌ చేసి వెనకటి పద్ధతిలో గంజి వార్చినట్లుగా వార్చాలి. తరవాత అన్నంలో కొద్దిగా చల్లని నీళ్లుపోసి మరో సారి గంజిని వంపేసి మూతపెట్టి అన్నం పూర్తిగా చల్లారనివ్వాలి.
* ఇప్పుడు కూరగాయలన్నీ సన్నగా తరగాలి. బాణలిలో నూనె వేసి అనాసపువ్వు వేసి వేగాక వెల్లుల్లి ముక్కలు, అల్లం తురుము వేసి వేగనివ్వాలి. ఇప్పుడు ఉల్లికాడలు కూడా వేసి రెండు నిమిషాలు వేయించాక కూరగాయల ముక్కలన్నీ వేసి వేయించాలి. అవి పూర్తిగా ఉడికి వేగాక సోయాసాస్‌, ఉప్పు, వినెగర్‌ వేసి కలపాలి. తరవాత చల్లార్చిన అన్నం వేసి బాగా కలిపి కొత్తిమీర చల్లి దించితే చైనీస్‌ వెజ్‌ ఫ్రైడ్‌ రైస్‌ రెడీ.