కావలసినవి
మైదాపిండి: 3 కప్పులు, ఉప్పు: చిటికెడు, నెయ్యి: 3 టేబుల్‌స్పూన్లు, గసగసాలు: 2 టేబుల్‌స్పూన్లు, ఎండుకొబ్బరిపొడి: పావుకప్పు, పంచదార లేదా బెల్లం తురుము: అరకప్పు, జీడిపప్పు, బాదం, పిస్తా, అక్రోటు ముక్కలు: అరకప్పు (అన్నీ కలిపి), నూనె: వేయించడానికి సరిపడా

తయారుచేసే విధానం
* ముందుగా మైదాపిండిలో చిటికెడు ఉప్పు, కాస్త నూనె, తగినన్ని నీళ్లు పోసి పూరీ పిండిలా కలపాలి.
* పాన్‌లో నెయ్యి వేసి జీడిపప్పు, బాదం, పిస్తా, అక్రోటుముక్కలు, గసగసాలు, ఎండుకొబ్బరిపొడి, అన్నీ వేసి కలిపి వేయించాలి. చల్లారాక బెల్లంతో కలిపి కచ్చాపచ్చాగా పొడి చేసుకోవాలి.
* మైదా ముద్దను చిన్న పూరీల్లా చేసుకుని పూరీని కజ్జికాయల చెక్కలో పెట్టి దాని మధ్యలో టేబుల్‌స్పూను గ్రైండ్‌ చేసిన మిశ్రమాన్ని వేసి ఓ పక్క పూరీకి కాస్త తడిచేసి చెక్కను మూసి గట్టిగా నొక్కి తీయాలి. ఇలా అన్నీ చేసుకున్నాక కాగిన నూనెలో వేయించి తీయాలి.