ప్రభుత్వ చర్యలతో భూకబ్జాదారుల్లో భయం

ప్రభుత్వ చర్యలతో భూఆక్రమణ దారులపై అందరికీ భయం పట్టుకుందని ఏపీ దేవాదాయ శాఖ మంత్రి వెల్లంపల్లి శ్రీనివాసరావు అన్నారు. అన్యాక్రాంతమైన దేవాదాయ భూములను గుర్తిస్తున్నామని, మాన్సాస్‌ ట్రస్టు పరిధిలో అన్యాక్రాంతమైన భూములపైనా విచారణ జరుపుతున్నామని వెల్లడిరచారు. దేవాదాయ భూములను చంద్రబాబు నాడు పప్పుబెల్లాల్లా పంచారని ఆరోపించారు. దేవాదాయ భూములను సంరక్షించడమే ప్రభుత్వ ధ్యేయమని వెల్లంపల్లి ఉద్ఘాటించారు. మాన్సాస్‌ ట్రస్టు చైర్మన్‌గా పనిచేసిన కాలంలో అశోక్‌ గజపతి ఏం అభివృద్ధి చేశారని ప్రశ్నించారు. పదవులు ముఖ్యం కాదని, అభివృద్ధి కూడా చూడాలని వ్యాఖ్యానించారు. మాన్సాస్‌ ట్రస్టు చైర్‌ పర్సన్‌గా సంచయిత నియామకాన్ని అశోక్‌ గజపతి రాజు జీర్ణించు కోలేకపోయారని విమర్శించారు. మాన్సాస్‌ ట్రస్టు విషయంలో ప్రభుత్వం ఎక్కడా జోక్యం చేసుకోలేదని మంత్రి స్పష్టం చేశారు. హైకోర్టు ఇచ్చిన తీర్పుపై అప్పీల్‌కు వెళుతున్నామని నిర్ధారించారు.

Leave a Reply

Your email address will not be published. Required fields are marked *