పాఠశాలల్లో కరోనా కలకలం

ప్రకాశం జిల్లా కేంద్రం ఒంగోలులోని డీఆర్‌ఎం మున్సిపల్‌ స్కూల్లో ప్రధానోపాధ్యాయుడు సహా ముగ్గురు టీచర్లు, ముగ్గురు విద్యార్థులకు కరోనా పాజిటివ్‌ అని తేలింది. మరికొందరు ఉపాధ్యాయులు, విద్యార్థులకు కరోనా లక్షణాలు కనిపిస్తున్నాయి. దాంతో తోటి ఉపాధ్యాయులు, విద్యార్థుల తల్లిదండ్రులు ఆందోళన చెందుతున్నారు.
చిత్తూరు జిల్లాలోని ఓ పాఠశాలలో ఐదుగురు విద్యార్థులకు వైరస్‌ సోకింది. శ్రీకాళహస్తి రూరల్‌ మండలం, కాపుగున్నేరి పంచాయతీ పరిధిలోని ఎంఎంసీ కండ్రిగలోని ప్రాధమిక పాఠశాలల్లో ఐదుగురు విద్యార్థినులకు కొవిడ్‌ సోకింది. దీంతో తల్లిదండ్రులు ఆందోళన చెందుతున్నారు. కృష్ణా జిల్లా ముదినేపల్లి మండలం పెదపాలపర్రులోని ఉన్నత పాఠశాలలో 10 మంది విద్యార్థులకు కరోనా సోకింది. శుక్రవారం పాఠశాలలో కొవిడ్‌ పరీక్షలు నిర్వహించారు. సోమవారంవచ్చిన ఫలితాల్లో పది మందికి పాజిటివ్‌గా నిర్ధారణ అయింది. అప్రమత్తమైన విద్యాశాఖ అధికారులు పాఠశాలకు సెలవు ప్రకటించారు. ఏపీలో పాఠశాలలు తెరచుకున్న వారం రోజులకే విద్యార్థులపై కరోనా ప్రభావం కనిపిస్తోంది. కరోనా జాగ్రత్తలు తీసుకుంటున్నప్పటికీ.. విద్యార్థులు, టీచర్లు కోవిడ్‌ బారిన పడుతున్నారు.

 

Leave a Reply

Your email address will not be published. Required fields are marked *